انا عند الله و عندكم ساعدوني قبل بيتي ينخرب

اعترف اني مريضه نفسيا
كل مره اتصايح مع زوجي و اطلب الطلاق واتصل علي اهلي يجولي من مدينه ثانيه
و اصمم علي الطلاق و اطول لساني و لمن خلاص كل شي بينتهي ارجع ابكي و اعتذر لزوجي
ويسامح و قول لاهلي خلاص

بس المره هذي كنت خلاص مصممه و سبت الشغل و جهزت الشنط و اتصلت علي اخي و جاي بكرا
و زوجي المسكين كالعاده عنده استعداد يسامحني لو غيرت راي
بس خوفي من اهلي و الوالد و اخي لو تراجعت يمكن يقاطعوني
لاني اطلع عيوب زوجي كلها و اخليه ما يتعاشر
و فجاءه اقول لهم خلاص
انا والله مش طبيعيه جننت الرجال معي
هو هاملني من الناحيه العاطفيه يعني مافيش علاقه خالص وهذا الشي ياثر عليا كثير
و يخليني عصبيه عليه و اعانده
و اشتكي عليه عند اهلي مع انه والله ما يقصر في بيته بس مهما كان النفسيه تحتاج للمسه كلمه طيبه
المهم الان امي تقلي بكرا اخوش جاي وانا بصراحه ندمانه و خايفه و غيرت راي مشتيش اطلق
بس مقدر اقولهم خلاص بطلت و الله بيعصبو و يبهذلوني
ايش الحل كيف اقلهم او اي سبب الله يخليكم ساعدوني