عواطف تركي :

وليش مايتوب ؟ ماتعلمين الغيب رب العالمين يغير الاحوال في طرفة عين زوجك يمكن يتسلى شهور وسنه وسنتين ثم بيجيه ملل وطفش لان البنات ماهم دايمين له الكل بيلتهي في حياته وحتى زوجك الله سبحانه وتعالى قادر يشغله في نفسه وفي اطفاله وفيك وفي مسؤلياته ومايلقى وقت يلاحق بنات . لا تقولين بخليه سواق ويقضي مشاوير بالعكس اذا دعت الحاجه انك تجربين اسلوب جديد ليش لا ؟ لا تصيرين انهزاميه ومتخاذله ومستسلمه ترى استسلامك يعني تفتحين له المجال يتمادى اكثر رتبي وقتك ونظمي حياتك وافتحي صفحه جديده واهم شي استعيني بالله وتوكلي على الله في كل شي خلي نفسيتك حلوه واهتمي بنفسك وصحتك وجمالك عشان نفسك مو عشانه هو . وخصصي وقت يومياً العصر او بعد العشاء اعتبريه وقت مقدس تجلسين معاه تتقهوين وتسولفين معه في اي شي غير الطلبات والمشاكل يعني خليه يحب جلستك وسواليفك ولا تتضايقين اذا شفتيه حاط راسه بالجوال انتي بذكائك مدي له القهوه والحلا او المكسرات . ونصيحه دايماً اقولها سمعتها من اخصائي يقول الزوجه اللي تشتكي من تقصير زوجها وتقول خلاص وصلت للاخر معه يقول ليش تحرقين نفسك وتعذبين نفسك اذا حسيتي انك تبين منه شي لا تنتظرينه يعطيك انتي بادري وخذي حقك ان بغيتي رومانسيه ودلع واحضان انتي طيحي بحضنه لملميه وبوسيه وتدلعي عليه وان بغيتي فراش انتي بادري وان بغيتي سوالف وضحك واهتمام انتي سولفي معه ودقي عليه وعبري عن مشاعرك عشان انتي تشبعين رغبتك وماتحسين انك جدار او مكسوره وبنفس الوقت زوجك يتعود عليك ومع الوقت يصير هو يفقدك اذا ماجيتيه ويصير هو يدورك ويدور حبك واهتمامك وحنانك الخيانه صعبه لكن لا تستسلمين طالما اتخذتي قرار انك ماتبين الطلاق كوني قويه وشجاعه ولا تخجلين من اخذ حقوقك كامله ولا تتركين زوجك لغيرك استرجعيه لكن مثل ماقلت بطريقه غير مباشره واشغليه فيك وبأطفالكم ، ارسلي عياله يجلسون عنده ويبوسون فيه ويجلسون بحضنه ويأكلونه ويشربونه اي حاجه خليه يتعلق فيهم ويحبهم اظن ان زوجك مره فاضي وعنده فراغ والى الحين ماهو حاس بالمسؤليه وعايش حياة العزوبيه ماعليه هموم جربي كل الحلول بعد التوكل على الله والدعاء وبإذن الله حياتكم تتحسن

وليش مايتوب ؟ ماتعلمين الغيب رب العالمين يغير الاحوال في طرفة عين زوجك يمكن يتسلى شهور وسنه...

☆☆أم سيلين☆☆ :

عواطف تركي نصيحتها نابعة من قلب وبعقل وهو الانسب لك وبقولك على شيء (الستر أولى) تراه ابو عيالك ادري انه خاين وقلبك محروق لكن ابدأي باصلاح نفسك وفيه مقاطع باليوتيوب ل ابراهيم الخليفي خذي منه اللي يفيدك

عواطف تركي نصيحتها نابعة من قلب وبعقل وهو الانسب لك وبقولك على شيء (الستر أولى) تراه...

208Goog :

انا الحمدلله مافيني شي عشان اصلحه وكل ماخان الزوج قلتوا للزوجه اصلحي نفسسك طيب لو خانت الزوجه بتقولولها اصلح نفس يازوجً؟

انا الحمدلله مافيني شي عشان اصلحه وكل ماخان الزوج قلتوا للزوجه اصلحي نفسسك طيب لو خانت الزوجه...