فيروز الأميره @fyroz_alamyrh

عضوة فعالة

انا عند اهلي وافكر ما ارجع الا بشرط يتزوج علي.. والله يشهد اني صادقه

السلام عليكم ورحمة الله وبركاته
ادررررري بتقولون اني موب صاحيه , بقولكم اي والله برج من نافوووووخي حيطير!!
بنات والله زهقت رايحه راجعه من بيت اهلي ما استقريت ابدا وانا للعلم لي 5 سنوااات متزوجه..

بقولكم السالفه واطلب منكم الشور .. انا من السنه الثانيه من الزواج وانا في مشاكل المهم استمرت الحياه بيننا عشان ابني من ناحيتي انا ,, طريقة حياتنا منفصلين يعني هو من يجي من الدوام يقعد بالمجلس الى وقت النوم وينام هناك طبعا انا وولدي في غرفة النوم لدرجة لما ولدي صار عمره 4 سنوات اذا اكتشف ان ابوه معنا يصيح ويقول له اطلع برا.. تخيلوا مره جلست شهرين ما رحت السوق وقبل الشتاء يعني الجو برد طلبت منه السوق تدورون وش قال ؟ قال كم يكفيك؟ 10 دقايق؟؟؟ انا يوم قال كذا كنا بالسياره واطالع قدام الا من الصدمه لفيت راسي جهته وطالعته بعيوني قال لا تناظريني كذا قالها بصراخ على طووول نزلت عيني.. بنات 10 دقايق ما تكفي خاصه اني ماااا عندي شي شتوي نهااااائي... المهم قال لك سعه او نص ساعه ما اذكر؟
ما نسولف ولا يحب اجلس جنبه ابدا ودايم عاقد حجاجه واغلب الاوقات صوته عالي مثل الشايب << يسوي فيها سي السيد بس برضه الى الان مش مشكله ولا هو رومانسي وبرضه قلت مشي حااالك .. كل اللي يبيه سويته .. المهم كل شي انفقد بيننا بداية من الحب وصولا الى الاحترااااام لانه وصلت انه مره ضربني بس ندم واعتذر وبعدها بدى لسانه يشتم قلت لوحدنا تهون بس وصلت الاهانه امام امه .. صععععب استمر..
نسيت اقول لكم فرق العمر بيننا 12 سنه , علاقتي مع اهله فوق الممتاااازه احبهم ويحبوني.. نظرته للزوجه مهما تتعب في شغل البيت انه هذا شغلك وواجب وغصب عليك تسوينه ولا لك منه ولا معروف.. يعني الحياه عنده حقوق وواجبات بس! مره قلت له خلينا نتمشى ضايق صدري شوي.. قال وتحسبين مالي شغل الا ارفه عنك؟ ضايق صدرك مو شغلي.. كل هذا والله مشييييته..

المهم انا بعطيكم القرارات اللي وصلتها بعد جهد وانتم نقوا وشوروا علي:
اولا : اشرط عليه ما ارجع الا لما يتزوج مره ثانيه بتقولون ايش الفايده اقول لكم
ابغاه يشوف طبيعة تعامله مع البنت كيف تكون لو تمام و تفاهموا يبقى السبب اللي هدم علاقتنا اما حسد او سحر.. لانه ما يطييييقني باين عليه. مثلا لما اروح اهلي يقول ارجعي وانتي ام ولدي و اذا رحت بيتي يبدأ مسلسل التطفييييش وهكذا..
اذا كان كذا خلااااص يطلقني وعليه بالعافيه حياته الجديده..
اما لو ظل على اخلاقه التعبانه معناها هذا طبعه فممكن استمر معااه بس اتاكد انها طبيعته..بس هو ما كان كذا مدة سنه من زواجنا اخلاقه كانت حلوه.. خصوصا كثيييير حريم كانوا يبونه وكثيييير شباب كانوا طالبيني ..
وانا ما اغااااار عليه نهاااائي ..وزود على كذا كان هو يسولف عند اصدقاه الشيبان ان فلانه اليوم سوت كذا والخبله سوت كذا << يقال انه مستظرف حركاتي..

الشرط الثاني البديل للشرط اعلاه:
انه يطلقني طلقه واحده وننشر بين العالم اننا تطلقنا يقولون ان كذا لو صايبتنا عين حاسد تنفك..

وش رايكم يا بنات والله اني في حيره وتعبانه من التفكير.. وش اسوي؟؟؟؟

يلزم عليك تسجيل الدخول أولًا لكتابة تعليق.

تسجيل دخول

رايقة بس معصبة • 19 سنة

اختي تعوذي من الشيطان
انتي تفكرين الحين تحت تأثير الالم النفسي بس ولا واحد من قراراتك سليم او منطقي بالعكس قراراتك كلها تحطيم لنفسك
تحسبين اذا تزوج عليك انه بيعرف يتعامل معاك لا غلطانه او ان الزواج من ثانيه بيفك السحر او العين وبعدين وش هالفكره حقت يطلقك طلقه وحده عشان العين تنفك ليه الحياة الزوجيه والطلاق لعبه
حبيبتي انا اقول هالكلام من الخوف عليك
طرق فك السحر والعين ماتجي بالطلاق وخراب البيوت والزواج الثاني
فيه علاج بالقران فيه حلول منطقيه اكثر
بس تفكيرك هذا غللللللللللللط

بعدين والله والله كل الرجال السعوديين مايحبون السوق اسالي اي وحده بتقولك نفس الكلام
بس انتي شكلك من النوع الي يجادل ويناقش
بعدين يا اختي احمدي ربك مشاكلك مع زوجك يبي لها شوية صبر وشوية ذكااء وتنحل

تكفين الله يخليك والله ان ودي ابكي وانا اكتب لك تكفين يالغاليه لاتضيعين حياتك وتقولين هالحلول وتحرمين ولدك من ابوه
الله يخليك شيلي هالتفكير من راسك وفكري بعقل اكثر وان شاء الله البنات بيفيدونك
بس انا عن نفسي اقولك الي انتي تسوينه غلط وخراب بيوت

اختك رايقه

زائرة • 19 سنة

والله ماعرف شقولج ياأختي
ماعندي خبرة بهالأمور بس ماأملك الا اني ادعي لك
ان الله يفرج همك ويشرح صدرك ويصلح حالك مع زوجك ..
امين
ياااااااااااااارب

صحوة زمن • 19 سنة

الله يكون فى عونك اي نوع هذا من الحياه هل هو سعيد بهذه الطريقه فى الحياه ؟اين الموده والرحمه ؟ وعاشروهن بمعروف او تسريح باحسان..اين هو من كل هذا ؟واجهيه بهذا الكلام وادخلى احد من اهلك لعل يرجعه عن ماهو عليه.الحياه صعبه اين الحب والرحمه والموده والدفء الزوجى ؟والله انه ظالمك ياعزيزتى الله يكون فى عونك ويفرج عنك همك .اوصيك بقراءه سورة( محمد) كل صباح يوميا, الله يهديه لك.........

بمبة المفترسة • 19 سنة

حبيبتي اذا كنت شاكه ان فيكم عين شغلي الرقيه الشرعيه بالبيت اكثر من مره بتلقينها بقسم المشكلات الاجتماعيه وحافظي على الاذكار والورد اليومي وانصحي زوجك يقراها واذا ماطاعك وهو نايم حطي يدك على راسه واقريها كل يوم وعليك بالحبه السوداء على الريق والمويه المقري فيها بس فكره الطلاق والزوجه ثانيه ماتنفع!!لانك ماتعرفين وش السبب الرئيسي لهالمشاكل بعدين حبيبتي ليش ماتدخلين احد من اهلك يكلمه يجلس معه جلسه نصح يمكن يتغير اخاف اذا تزوج يهملك انت وولدك اكثر ولو تخلين ولدك يحاول يحنن قلبه عليك يعني مثلا يقول ليش تسوي كذا مع ماما زعلتها يمكن يتأثر ... ولو انا محلك اكتبله رساله طويله عريضه اكتب فيها كل الي بقلبي وبالغي شوي فيها يعني بالبدايه قوليله لو انا مااعزك ومااحترمك ماكان فكرت اكتبلك واقولك الي بقلبي يمكن قلبه يلين شوي الله يسخره لك ويوفقك

فيروز الأميره • 19 سنة

يا قلبي مشكووورين على ردودكم وتعاطفكم الله يوفقكم..

رااايقه بس معصبه انتي قولي لي ايش اولويات الحياه الزوجيه؟؟ صراحه انا جمعت ايجابياته في ورقه وكذلك سلبياته والله ان الايجابيات بس 2 اولها انه يصرف على بيته ما يقصر ثانيها انه حنون على ولده .. سلبياته حوالي 10 هذا وانا الكل يشهد لي باعقل واني دائما اعذر واحاول اطلع اجمل مافي الاخرين..
تخيلي ان ابنه مره وانا بنومه حاسه بقلبي حزن بس ما ابين قدامه ولا عمري بكيت قدامه يقول خلاص وش رايك؟ خلينا نروح لبيت جدي ويصير هو ابوي؟ هذا وانا مررره ما ابين قدامه اي شي بس كلامه يخوف!
او مثلا امي تقول له بشتري لك شوكلاته توزعها على امك وابوك يقول لها ابوي مين؟ تقول فلان يقول لا بعطي جدي وبس..
ويقول لي لو رجعنا بيتنا نبي نرجع وبابا لسه في الشغل..
الله يشهد علي اني دايما احببه في ابوه ولا عمري سبيت ابوه او بينت ضيقي قدام ولدي..
اساسا انا كل عيشتي مع زوجي عشان ابني ويصير الولد ما يبي ابوه ؟؟!!

اختي انا تحملته كثييير بس ما اقدر اكثر من كذا .. وما ادري وش اقول اكثر بس انتي اساليني وانا اجاوبك.. اخاف تتاثر نفسية الولد وهو يكبر ويشوف امه بجهه ابوه بجهه..
احاول اسولف اما يحتقر السالفه و اما ما يرد او يسألني اسأله يحرجني بها ويبين ضعفي وجهلي.. بس يحب يحطم..كم مره اقول له انا الغبيه كم مره احرم اقول لك سالفه وارجع عن كلامي..
انتي عارفه الحاله بيننا اشبه بايش؟ لما الرجل يجيب له شغاله ويتزوجها يعني تشتغل بالبيت وبس ولا بينهم اي علاقه او كلام الا علاقة الزوجين.. ممكن احد يتحمل ..
بقول لك موقف يحضرني مره صار فيني اصابه ما كنت اقدر اقوم من مكاني المهم طلبت منه يوديني المستشفى قام يتحجج المهم انا فهمت انا ما يبي يوديني قلت خلاص بروح مع اختي لمستوصف انكسر في قلبي شي وقت الشده ماهو جنبي.. المهم اخذت منه مبلغ بسيط حق فتح ملف واشعه ودواء .. بكيت يومها بكاء من قهر قلبي..
بعدها باسبوع قلت له لا تنسى المصروف قبل اسافر قال اي مصروف؟ انتي نسيتي انك ماخذه منه؟ قلت لا ما اخذت.. قال الا حق المستوووصف..
انا حز بخاطري الموقف بحريييييقه الفلوس بس التعامل ارقى من كذا والله لو عندي شغاله استحي اعالجها من فلوسها...
هذا غيض من فيض