انا عيانه وش السوات

سلام

عندي مشكله ياريت يلي كانت مثلي ايش كان الحل

ي ناس انا عيانه مررره يعني اي شي يعجبني يخترب ع طول

مثال 1

زوجي قبل فتره اشترى لسياره معطر كور صغار بكيس انا اول مادخلت عجبتني الريحه مره فلمسها زوجي واول ما المسها فششش انفتحت وتطايرت الكور والقطع غريب

مثال 2

في غرفتي اشترطون ملزق ع سلك المكيف بالجدار وله سنه ونصف ماتغير وما انفتح بيوم قمت من النوم وجا نظري ع السلك نفسه وقلت بنفسي غريبه ما انفلت مع ان اللزق ضعيف والله مارجعت من الحمام تكرمون الا السلك منفلت

مثال 3 وقوي وهو الي اكدلي اني عيانه بقوة

انا كنت حامل بالثامن بشعبان بالسنه الي فاتت وحملت بسرعه ع ابني الاول ومره تعبت وتبهذلت بالحمل فيوم بشعبان شفت ابني فبطني يرفس بقوة قلت بنفسي ماشاء الله ابني حركي مره شكله شقي ونشيط مع اني تعبت فيه وذكرت الله والله ما اجى اليوم الثاني الا وانا والده والطلق اجى فجآه وابني توفى باول اسبوع الله يجعله طير من طيور الجنة


خلاص زوجي اهني اتأكد اني عيانه حتى إذا قلت شي او عجبني حاجه بابني زوجي يهب فيني اذكري الله اذكري الله

والله اني اذكر الله إذا عجبتني حاجه واحيان انسى إذا بحاجات تافه وبكلا الحالتين لازم يصير شي

طبعا انا اختصرت اشياء كثيره وآخر مره اليوم صاحبت وحده من قريباتي وجلست اسولف معها بالواتس وشوي صار حادث ع اختها الله يشفيها ادري انه قضاء وقدر بس خلاص صرت موسوسه جدا

ناس يقولون لي عينك حاره وناس يقولون لي حظك نحس

طبعا ايام زواجي هذي يبغالها موضوع لحالها تخيلو 2 من اهل زوجي توفو اول ماملكت مع انهم كانو بصحه جيده وابو زوجي صار له حادث اول مره بحياته الحمدلله انه ماصار له شي و عدت ع خير

لاتقولون مكبره الموضوع ومدري ايش صرت اخاف اروح عند ناس يصير لهم شي طبعا اهلي المقربين جدا يعرفون اني عيانه الباقين مايعرفون لا تحسبوني عجوز ترا باقي عمري 18

وحتى نفسي ماسلمت بشرتي وشعري قبل كان ولا احسن هالايام إذا قلت واااو اليوم بشرتي صافية الله لايوريكم اليوم الثاني بشرتي كلها حبوب

سمعت مره ان علاجه صلاة الميت بس مدري كيف و مين مثلي! !!!!!

موضوعي مجرد فضفضه+اي وحده عندها حل لاتبخل علي+النفسيات يطلعون بسكات

:44::44: