جمع الله بينكما في خير
وعسى الله يسعدج و يهنيج ويهديكم ويسخركم لبعض.

السلام عليكم
الصراحه انا لسه بنوته :42:
بس راح اقولك على كذا شغله الي اعرفها من المتزوجات حولي ...

* احترميه يحترمك وخلي لغة الاحترام دئماً متبادله

* ثقي بفسك وبجمالك على شان يشوف الاشياء الزينه فيك ونهائي نهائي ما تبينيله عيوبك
سوا بشخصيتك او بجسمك او اي شئ انتبهي

* اهلك : ماتقوليله ولا شئ عنهم اقصد اسرارهم
ودئما صوريله اهلك بصوره الزينه حتى لو كان العكس لاسمح الله .

* مصروفك ثم مصروفك ثم مصروفك
خليه من البدايه يعطيك المصروف مو تقولين زي ردك الثاني
كل مابغيت السوق اقوله ابي فلوس
انتبهي بكرا لاقلتي ابي فلوس بطلع السوق بيقولك اسطوانه الرجال المعروفه
( ليش ,وشوله, توك شاريه , غالي , ماله داعي ,......إالخ ):09:
مصروفك وانتي حره فيه
تحطينه في السوق او اجمعينه او تكبينه في الزباله (وانتي بكرامه ) انتي حره فيه

* اهله مالك دخل فيهم خلي العلاقه رسميه صدقيني راح تشترين راحتك
وابداُ ابداُ ماتقارنين نفسك باهله ان شاء الله
تشوفينه حاطلهم القمر بايد والشمس بايد مالك دخل

* حقوقك ماتتنازلين عنها ولا تتنازلين على حساب نفسك كل شئ بالمعقول يمشي

* اذا كان زوجك لاسمح الله راعي سفرات
فهميه من البدايه السفر يحط عليه x
اذا مو معك بلاش سفر

هذا الي عندي و ان شاء الله المتزوجات ماراح يقصرون معك .:26:

والله يوفقكم دنيا وآخره وسخرلك زوجك ويسخرك له وربي يرزقكم الذريه الصالحه .....

ياقلبي اولا...الف مبروك..الله يجمع بينكم على خير...بالنسبه لزوجك خليك طبيعيه لاتتصنعين ..كل نصائح البنات الي قبل شوي خليه على جنب الشهرين الاولى خليك عروس هاديه دلوعه اميره خلي طلباتك تلقائيه من دون حسابات والمفروض انها تلبى من قبل زوجك اعرفي شخصيته تقربي منه اعرفي اهتماماته...بعد كذا شوفي وش يناسبه مثلا المصروف فيه رجال ماينفع معه الاان يكون لك مصروف والا ضاع حقك وفيه رجال يدفع لزوجته الي تبي وماعنده مشكله ..
الاحترام اهم شي...ومثل ماتبين تاخذين اعطي ..الزوج يحتاج الى الحنان والعطف ..خليك حنونه طيوبه لينه بتعاملك قصيره بصوتك واثقه من نفسك ..واهم شي قدمي لاهل زوجك كل الاحترام والتقدير والمعامله الطيبه وبسسس مالك دخل فيهم .. حياتك مع زوجك ومشاكلك هذي اشياء خاصه جدا لايدري عنهااحد حتى امك ..واسرار اهلك وحياتهم شي خاص فيهم لايدري عنهااحد حتى زوجك ...اعذريني كتبت وانا مستعجله وملخبطه شوي والبنات يفيدوك مبروووووك

كل اللي ردود الله يجزاكم خير...ويبارك لكم برمضان ويسخر لكم ازواجكم يااارب واللي بنوته الله يسخر لها الزوج الصالح يااااارب...
الحمد لله اهلي واهله عيااال عم ومعروفين لبعض..
اللي قالت السفر بعد الحمد لله لان دوامه مو مخليه يسافر بروحه..
اسفه اذا كلفت عليكم..

الف الف مبروك ..
1 _نصيحتي لك لاااااتطلبي منه مصروووف اابد ابد .. لان لو صار يعطيك مصروف شهري .مراح يجيبلك كل شيء تبينه مراح تطلبين منه شيء
بس اذا صار مايعطيك مصروف شهري .. راح يجبلك كل شيء وراح تطلبين اللي تبين ..
انا مستحيل اطلب من زوجي مصروف .. بس الحمدالله مايقصر معي كل شيء ابيه يجيبه لي ..
2 _ خليك قويه ورايك واحد
3 _ وخليك غامضه لتصرين كتاب مفتوح .. ترى الرجال يحبون البنت الي تكون غامضه ومحد يفهمها الا بعد جهد جهيد
4 _ لاتزعلين بطالعه وبنازله .. لان لو زعلتي على اي شيء راح يكون عادي عنده زعلتي ولا مازعلتي ..
ازعلي على الشيء الي يستاهل
5 _ حسسيه بحبك له بس مو دايم .. يعني لاتكثرين كلمات الحب والخرابيط .. ( هذا اسلوبي مع زوجي .. صحيح احبه واموت فيه بس مو احسسيه اني ولا شيء بدونه ) عشان طبيعتهم يملون .. خليه هو الي يمشي وراك مو العكس
6 _ دايم افتخري باهلك قدامه .. عشان يحترمهم اكثر واكثر
7 _ الدخان : اذا شميتي معة ريحه دخان ابعدي عنه ولاتنامين معه .. عشان يدري ان هالشيء مزعجك وان شاء الله مع الايام بيخفف منه ويتركه
8 _ امدحي نفسك عشان يشوفك حلوه وتجننين
9 _ اتمنى لك التوفيق
سي يو