انا غلطانه والا لا...ابي رايكم الله لا يحرمني منكم ؟

ابقولكم السالفه يوم ولدت اول مولود رحت نفست عند اهلي والله لا يوريكم امي مادرت عني لا شرتلي لهومات ولا غيره واذا قلت لها ابي اكل جوعانه تقول فاضيه لدرجة مره قعدت اصيح وراحت مرة اخوي وسوت لي اكل وحتى الصغيراذا صاح ما تقوم تسكته تقول بدينا جا الليل واقوم انا اهتم فيه ومرت الايام وما بغا يعدي ذاك النفاس ورحت اخر انفاسي وشريت هديه ساعه لامي وردتها تقول لا تشترين لي على كيفك المهم يوم رحت البيت الاني ماطبت عشان مانفست زين يوم حملت مره ثانيه على الي شفته قلت ابسوي زي البنات ابروح لاهلي ما دريت يوم وصلت التاسع الا امي تتهاوش معي على الفاضي والمليان وتقول انا ابسافر يوم شفت كذا قلت خلاص ابقعد في بيتي وكنت حامل انا ومرت اخوي يوم ولدت ماجت زارتني في المستشفى ولا كلمتني تقولي الحمدلله على السلامه ولا ترد على رجلي في التلفون يوم ولدت مرت اخوي راحت تركض في المستشفى وشرت لها حلاو وراحت لها في بيت اهلها وعطتها هديه وقلت ما يخالف واخذت المولود ورحت لها المهم هالايام مجتمعين ما دريت الا وهي تتكلم علي انت الي فيك عقوبة وانت ماتبينا وانواع السب اخذت عيالي ورحت البيتي بعد كذا قالت لي وحده انها زعلانه تقول انك طلعت من النفاس وما جبتي لها هديه وش رايكم ...؟