انا غلطانه يابنات ساعدوني,,اختكم ضايقه فيها الدنيا

مراحب يابنات
كيف حالكم
ضايقه فيني الدنيا مالقيت غيركم اشكيلكم

انا متزوجه من فتره قصيره وزوجي متزوج
وزوجي من لما تزوجنا متعود يتغدى مع امه ياخذ غداه من زوجته ويروح عند امه
الحين بعد زواجنا انا موظفه وداومي ينتهي الساعه 2
وامه متعوده تتغدى الساعه1 بالكثير
فهو جاييني اليوم يقولي خلاص من اليوم ورايح راح اخذ غداي من بيتي الثاني واروح اتغدى مع امي
وانتي لاتسوين غدا

انا ضاقت فيني الدنيا بصراحه مو عشان الغدا بس حسيت بالاهانه وانه مالي قيمه عنده
يعني من اقل حقوقي زوجي يتغدى من غداي ويحب اكلي

المهم لما فتح السيره تهاوشنا وصرت ابكي واتضايقت حيل وهو صار يهديني ويراضيني بس مارضيت قلتله ليش تزوجتني من الاساس ووش الهدف من زواجك مني
وانا بصراحه حسيت انها حركه من زوجته عشان مايتعلق باكلي ويتغدى من غداي كل يوم وهذا الي قهرني
حسيت انها اثرت عليه بهالفكره ,,مدري انا يتهيألي ولا ممكن يكون هالشي صار :(

المهم هو زعل من هالكلمه انه ليش اتزوجني يقول انا احبك وانتي زوجتيولك قدرك وبالاخر تيجي كذا تقولي :(
وسحب نفسه وطلع


والحين ضايقه فيني الدنيا هل انا غلطانه ياينات ,؟؟
ساعدوني محتاره ماني عارفه كيف اتصرف