انا غلطت بشي ؟؟

السلام عليكم ...كيفكم حبيباتي زمااااان كتبت مشاركه لكن دايم كنت اقراء المواضيع 

انا بمشكله والسبب خواتي اللي اكبر مني 

اختي الكبيره موظفه متزوجه عيالها بالجامعه  ودايم تسافر عندها مؤتمرات كريمه وحبيبه وتحب تنصر المظلوم من جد اطيب قلب 
اختي الثانيه تحبني تموت فيني لكن طبيعه شخصيتها مكتئبه منعزله عن العالم متزوجه واطفالها تقريبا مراهقين 
تخاصم ولد اختي الكبيره مع ولد الثانيه في بيت امي بيوم جمعتنا 
اختي الكبيره اخذت اولادها وراحت علشان تنهي الخصومه 
اختي الثانيه جلست تسبسب وتهاوش ماخلت ولا بقت كلمه ماقالتها 
واحنا مانرد عليها علشان تسكت ..كنت جالسه انا وامي وزوجه اخوي الكبير وهذي تسبسب فجاءه قامت تطعن بشرف اختنا الكبيره انها راعيه فضايح والله يستر علينا بسس !!!😡😡
بسبب انها احيانا تسافر وتتحجب بس ماتتغطى !
انا هنا ماقدرت اسكت قمت وقلت وش تقصدين بالفضايح عندك شي قوليه ماعندك شي احفظي لسانك ولا تتكلمين باختك زي كذا هي هنا تركت كل شي وجلست تسب فيني ومسكت ولدي وضربته واخذت اطفالها وراحت !
طبعا درت اختنا الكبيره بموقفها وموقفي واختي الثانيه زعلانه وترسلي بالواتس اب كلام يسم البدن وانا مارديت 
دقت على امي وامي قالت لها السمو ماغلطت ولو ماردت عليك انا اللي بسكتك...وش فهمت فهمت اني محرشه امي عليها 
اللحين انا غلطت بشي ؟؟؟ لانها تتحسب علي وتسبني وهي تقريبا اقرب خواتي لي بس ماقدرت اسكت على كلامها 😢😢😢😢