ترا هذي الأشياء الي تسوينها راح تندمي عليها مع الايام خاصه اذا ربي كتبلك ابن حلال راح تكوني معه وانتي تحسي بذنب راح تندمي كثير نصيحه وقفي هذا الشي الي تسوينه

انتي فوق ذنبك ذنب الرجال اغويتيه وجريتيه للحرام وسهلتي عليه
فرضا هو مو راعي بنات من كلامك واغوائك قال بيجرب وهو ماقد جرب واذا رفضتيه وطلعتي تظل الفكره بباله يبي يكلم استغفري ربك

اللهم ارنا الحق حقاً وارزقنا اتباعه وارنا الباطل باطلاً وارزقنا اجتنابه 🌺

الله يسعدكم انا باخذ نصايحكم واطبقها والله انقهرت اليوم يوم جدتي قالت لي ياوليدي انتي تعبانه ليه صايره ماتقعدين معنا
دعيت عاد على نفسي قلت الله لايوفقني اذ راسلته وياحطفه خلاص
ماتصدقون لو اقولكم ان حياتي تتمناها كل بنت متاكده كل شي يجيني على الكيف وطلباتي كلها اوامر وابوي حالف على اخواني واحد يتامر علي يزعل عليه لاني قايمه بخدمه جدتي كانها امي انا اكتشفت اني اعاني من
فراغ عاطفي كبيييير والله العظيم يابنات اخواني ينادوني بهيه مايقولون اسمي جافيت لابعد حد للامانه ماعمر احد مد يده او سمعني كلام يجرح بس مايجلسون يسولفون معي عشان كذا لو واحد بالمستشفى دكتور اوممرض قالي سلامتك وهو يقولها لاي مريضه احس اني لي قيمه واحس فيها حنان
وضعي صعب ماتوقع احد راح يحس فيني معليش طلعت عن الموضوع بس حبيت افضفض

لاحول ولاقوة الابالله
انت عارفه انك غلطتي
وين خوفك من ربك لاتجعلين الله اهون الناظرين اليك
وشي ثاني تربية اهلك والثقه الي منحوك اياها
الرجال عايش حياته ولادرى عنك
وانت ابلشتيه وطاردتيه لما راسلك اتقي الله في نفسك
( ان الذين فتنوا المؤمنين والمؤمنات ثم لم يتوبوا فلهم عذاب جهنم ولهم عذاب الحريق)
ترى الموت مايعرف عمر معين انتبهي من هالطريق
وترى الدنيا دوارة وكما تدين تدان
تتزوجين وينحط زوجك في هالموقف يطاردونه الحريم مثل ماسويتي بغيرك
توبي لله ومن تاب تاب الله عليه