انا غير ..مشكلتي مش في حماتي مشكلتي في ابو زوجي

السلام عليكم يا صبايا....

طبعا انا مشكلتي بالحياه مش بزوجي ولا حماتي لانهم من النوع الطيب انا مشكلتي الاكبر بابو زوجي اللي ما بيعرف اي معني للاحترام تجاهي..

اولا : تطلقنا انا وزوجي وطبعا من بعد الحاح ابو زوجي لزوجي وكنا صرلنا متزوجين شهر بس وكان زارع بباله اشياء انك لازم تاخد راتبها وتاخد سيارتها وكل شي الك ..وانا رفضت وظن زوجي انو هو الصح وطبعا كان في اخطاء من اهلي بالتدخلات وبعد الزن والرن طلقني طلقه وحده وما ثبتت
تدمر بيتي ونقل كل عفش بيتي على بيت ابو الزوج وزن انو يطلقني ولكن زوجي كان رافض يطلقني بس حابب يربيني وللاسف هو اللي تربي وبعد فتره رجع لي زوجي واعتذر ورجعني واعتذر لاهلي وبدون رضا ابوه ( الللي بيحب ممكن يتغير )

ثانيا: بعد الرجعه وبعد المشاكل اللي صارت زوجي بزور اهلي عادي ولكن انا اخدت فتره يمكن شي شهر وبالعيد زرتهم لقيت منهم استقبال لا باس فيه ورجعت انا احسن من اول اضيفهم واعزمهم واحاول ابذل كل مجهودي بالزيارات والعزايم والتقدير ولكن ما بلاقي ولاااااااااااااااااااااا شي ولا ذره حركه منهم ولا حتى شكر...سكتت
وبعد فتره صار في تطنيش وقلة تقدير لا سلام ولا كلام..
انا ما سكتت وقررت اني اعاملهم رسمي عشان اريح بالي بطلت اعزم بطلت اسوي شي زياده يعني بس واجبي ازرو بفترات بعيده وابتسامتي معي نسهر سهره عاديه واروح هاد اكتير شي ممكن اقدمه لهم ..وزوجي يروح لهم باستمرار كل ما سمحت له الفرصه...

المهم مره من المرات وطبعا لانو في خلافات كبيره بين اهلي واهل زوجي قام ابوه حكا كلام عن ابوي قدااااااااااااااااامي وانا قاعده احنا من اردنيه واهلي زوجي اردنيه وامي سوريه فقال : انتو لا تتبعو عادات بلدكم انتو بتتبعوا عادات سوريه وطبعا هالكلام عيبببببب جدا وما رديت
حكاها مره تانه في جلسه من الجلسات : سكتت وزوجي حكاه بطريقه محترمه بينه وبينه وقله لاتحكي عن ابو مرتي قدامها بتزعل
ولكن لا حياة لما تنادي استمر
في اخر جلسه كنا قاعدين ومبتسمين وبنضحك عادي : فجاه رما بكلمته المعتاده
وقال : انتو يا عمو ما بتتبعووا عادات الاردنيه انتو عاداتكم سوريه
قلت : ومين قلك هالكلام احنا في عادات اردنيه اكيتر من اي حدا
قال : انتو ما بتزوروا اهلكم وقرايبكم ||(( يا سلام علام بالغيب )))
قلت: لا احنا بنزورهم ولا لازم نعملك دعايه انا رحنا زرنا عمامنا ومين زرنا ؟
قال : لا ما تزرو ولا تعرفو مين عمامكم ..
قلت :لازم احكيلك مين عمي(( الحمد لله عنا اعمام وزراء وحكيتله وعددتله )) وقلتلو الوطنيه ومدا اعتزارزنا ببلدنا هاد شي بداخلنا مش لازم طول الوقت نحكي عنو..

سكت وصار في بالجلسه لحظة صمتتتتتتتتتتتتتتتتتتتتتت ومن بعدها زوجي غير الموضوع...

غير انو اهل زوجي ما بيجو عندي الا مره كل ثلاث شهوررررر وبالشد كمان من زوجي ولما يجي بيقعد يتفحص ببيتي هي من وين وهاي غاليه ..

ولما يتصل عالبيت وانا ارد بقلي : هلا وين (........) اسم زوجي يعني لا مرحبا ولا كيفك حتى لما انا اقلو كيفك برد علي : الحمد الله هاتي (........) اسم زوجي ...


انا جد مش عارفه كيف اتصرف حكيت لزوجي قلي : ((قاطعيهم لا تزوريهم)) بس انا شايفه الحل كتير مش منطقي وكيف ما ازروهم بعدين بخاف ما ازروهم يقوم زوجي يرجع يجبرني ازروهم بعيد من الاعياد ولا برمضان ورح يكون موقفي جدا بايخ كل شوي ازعل وارجع ارضى


هما مسافرين يوم الخميس وانا مش عارفه شو اعمل اتصل على حماتي اودعها عالتلفون لانها حرام ما بتعملي شي ومتل العسل ولا اروح ازورهم واتحمل زناخة ابو زوجي ولا اقاعطهم ولا شو اسويي

انا بدي اكون منطقيه بزعلي وبدي اجبرهم يحترموني مع العلم انا ما بقلل من احترامهم وهما ما بزروني ومضطره اخفف علاقتي فيهم عالرسمي بس حابه ابين لابو زوجي انو اللي قالو مش رح يمشي ع لى خير كل شي ولا ابوي