الحين انتي زعلانه عشان ما تطلعين الا بالاسبوعين 2/ او 3 مرات
طيب شوفي انا والله يمر تقريبا شهر ونص ما أطلع من البيت ﻷن زوجي ما يحب الطلعات والتماشي
بس يحب يسهر مع اخوانه تقريبا يوم ويوم لا
ايش اقووول تبغيني هو يلقى وناسته وانا بين 4 جدران
مذاكره للعيال تنظيف بيت غسيل ملابس غير تعب الحمل والنفسيه اللي تجيني مع الحمل
تعوذي من الشيطان ولا تقارنين نفسك بغيرك
قارني نفسك باللي أقل منك ركزي على (((( أقل منك ))))

السناب والاستقرام جاب لنا الهم والا من اول الوحده تقتنع بالي عندها
نصيحتي لك اذا تبين تحببين زوجك بالطلعات لاتزنيييين فوق راسه

تقريبا اغلب الحريم يقارنون حياتهم بغيرهم. وهذي مشكله صراحه
انا ماحب كثرة المشاوير قسم بالله تعب يمر علي شهور ماطلعت لمشاوير قريبه غير اهلي والسفر من خمس سنوات او اربع ماسافرت
السفر قطعة من عذاب سوا بر او جو .. والله العظيم زوجي قبل سنه قال ابيك تروحين معي لسيرلانكا ورفضت
ياختي تعب وخوف ولافيه اي فائده الا انه ترويح للنفس لكن اقدر استبدلها بمكه والمدينه


ولاتحطين براسك انك ماراح تستانسين الا بالطلعه
استحدثي وناستك من بيتك اشتركي مع فريق تطوعي شاركيهم بالافكار والاشياء المفيده عن طريق الجوال اسعي بالخير قد ماتقدرين


راح تنشغلين وتكرهين الطلعات من كثر اشغالك عن تجربه ...

انا قبل نفس وضعك تماما واسوأ حتى صرت اكره الاجازات من كثر ما اشوف صورهم في كل دولة وتغير ت نفسيتي مع زوجي وكرهته فحذفت كل البرامج حتى الواتساب واللحين الحمد لله بديت اقتنع وارضى واشوف مميزات زوجي وبشتغل عليه عشان اصير مثلهم


صح حذف البرامج مو حل بس وصلت لمرحله مستعصية ما انام الليل فيها والمشكله اذا كنت افضل منهم من كل ناحية

اعرف اخوات ثنتي منهم سفريات وروحات وجيات وفالسنه يسافرون مرتين للخارج ناهيك عن سفرياهم داخلياً
اما الثالثة ولا مرة سافرت برا وحدة مكه والمدينة والطايف بس تقول اهم شيء ان زوجي ماعنده خرابيط
زوجها ماعنده خرابيط الرجال ولا دخان ولا بنات ولا اللي نشوفة بهالزمن اصحابه شياب وراعين البل
اما اخواتها الله لا يبلانا بنات وهمله وسفريات وكل فساد عندهم على قول زوجي منتهين اخلاقياً
فالوحدة تحمد ربها ان زوجها عاقل وطيب وابن حلال ولا واحد يجننها بتصرفاته