انا فرحانه بالبلاط حقي ....

السلام عليكم ورحمة الله وبركاته
دا اول موضوع اكتبو
وعشان انا مره فرحانه بالنتيجه
قلت اعلم حبيباتي الحوائيات بالهرجه

انا كان عندي الحمام وانتو بكرامه البلاط حقو كانو عليه طبقه بنيه خفيفه دعكت بالكلوركس مافي فايده
وطفشت من كتر مادعكت فتركتو:09::44:
المهم مره صحبتي تقول كانت عندها بقعه مدري صبغه مدري شي فالحمام تكرمو مو راضيه تروح فزوجها جاب المنضف السحري دا ونظفت البقعه

قالتلي اسمو ونسيتو
وفمره كنت بالسوبر الا اشوفو على طول عرفتو واشتريتو يوم جيت البيت
جربتو على المغسله فيها اثار مويه وصدا

وفركتو
واختفى
رحت عالحمام تكرمو
جري
وفضيت علبه كامله عالبلاط وخليتو شوي
ودعكت ودعكت ودعكت
ولما شطفت بالمويه
:32::32:
البلاط كانو توو اتركب

تحلفي بالله انو نور وكاني غيرت اللمبه من كتر ماهو سماوي فاتح صار ابيض
عشان كده انا مره فرحانه
:icon28::icon28:
بس فيه شغلتين
اول شغله ريحة المنظف شوي قويه للي عندهم كتمه

ثاني شغله
يمكن المنظف مو جديد واكتركم يعرفوه بس حبيت افيد اللي ماتعرفو
وياريت اللي تفرح ببلاطها ريي تدعيلي
بصلاح النيه وصلاح الذريه

المنظف اسمو
داكــــــــــــــــــ
سائل زي الفلاش
بس مره روعه


وسامحوني عالاطاله
بس فرحانه
اش اسوي

ودمتم بحب