انا فقدت ابني بسبب هالمرض <<للاهمية وما اردت إلا النــصح

السلام عليكم ورحمة الله وبركاته

الى كل ام ..

انصحك من قلب يحبك ويخاف عليك
انتبهي لصغارك من "النزلة المعوية"
لاتستهونين فيها
انا فقدت ابني "1سنة" حبيبي بسببها
خلال يوم واحد بس!
جاه التهاب معوي حاد ادى لوفاته


بنات..انا مو متفرغة لكتابة مواضيع!
ولا لي نفس اصلاً
بس خوفي عليكم..انتبهو لفلذات اكبادكم
كل شي يتعوض الا اللي يموووت مايتعوض ابد!
يعلم الله اني وديته 3 مستشفيات في خلال يوم واحد
وماهتمو حتى يعطوه مغذي!
انتبهي من النزلة..هي صح "ترجيع واسهال" اكرمكم الله
بس تسحب الموية من الجسم بشكل ماتتصورونه
ابني الغالي خلال يوم واحد اتغير
اللي يشوفه يقول مريض من اسبوع!!

انا كل اللي ابي اوصله ..خذو حذركم
من المرض..ومن المستشفيات
المستشفيات اللي حالها اصبح يبكي!
صح الفيروس منتشر..بس الاولى يعطونه مغذي..محاليل
مو يصرفونه

حسبي الله ونعم الوكيل
قدر الله وما شاء فعل..

لله ما اعطـى ولله ما اخذ
انا لله وانا اليه راجعون

الحمد لله ..الحمد لله..الحمد لله

دعواتكم لي بالصبر
وان الله يربط على قلبي