أللي أعرفه ومتعارف عند كثير من الناس أن النفاس لما يجونها ضيوف يجيبون معهم القهوه والشاي والحلى وكل شي حتى أنهم يجيبون شي للنفاس مثل حافظه مرقوق أو عيش أو أي شي ينفع للنفاس
خاصه خواته والله غريبين

كله منك انتي
اللي اعرفه ان النفاس تجلس في سريرها ولاتقوم حتى تسلم تمد ايدها وبس لين هنا وخلاص
وبعدين احس انهم مايستحون <<اسمحيلي بس بجد وش هالاوادم وحده والد المفروض هم اللي يجيبون القهوه والشاي والاكل لك مو انتي <<<هذا طبعنا ماادري عنكم

وانتي خليك في سريرك وسووي روحك تعبانه لو مو تعبانه وتلحفي وخلي الناس
يبون يستغربون يوم يومين ويتعودون
ترى يصكونك عين تروحين فيها <<<والله اني اتعالج منها اللحين صابتني وانا نفاس حسبي الله ونعم الوكيل

وزوجك فهميه انك تعبانه وماتقدري على هالشيء على شان يحس شوي ترا الرجال بعذرهم مايدرون عن شيء


الله يقومك بالسلامه <<<

<<<معصبه

لو رحتي عند اهلك احسن عشان برضو مايجيك اكتئاب الولاده وانتي لوحدك

بصراحة مالوم الضيوف لأن وجههم مغسول بمرق مايستحون مايعرفون ان الضيف في حكم المضيف
واحسهم غايرين منك يبون ينقدون عليك شيء مالقوا الا يسبون الشاهي ولو منك كان قلت خلص
الشاهي ماعندي الا هذا ..

واما خوات زوجك كان قلتي يافلانة صبي انا تعبانة نفاس .. ما اخذوها بروسهم علميهم السنع ..
واما زوجك هذا حكاية ثانية .. اجل يقولك قومي صبي وهو عارف انك تعبانة ؟؟

ورا ماقام يصب هو او قال لخواته يصبون .. نصيحة فهمي زوجك انك تعبانة وانه يتعاون معك المفروض
يفزع لك مو يتعبك اكثر ..


الله يعظم اجرك ويهون عليك يارب ومبروك ماجبتي يالغالية وسعي صدرك
ترى الدنيا ماتسوى

لاتنقهري ولا تهتمي حبيبتي انت ما شاء الله ذوق وترتيبك وتقديمك مرتب ويواجه يعني سويت اللي عليك واكثر
وزوجك مسكين والله الرجال ابرياء مايعرفون شي بس الشرهة على الحريم الفاهمات
لكن مردوده لهم ولاتنسينها لهم
والله اللي ما توجبن وتقدرن ماوجبه لو انه اختي 0