انا في حيرة احتاج مساعدة؟؟؟؟؟؟؟؟

بسم الله

الله يقومك بالسلامه يارب .....من ناحيتي انا اهم اهم اهم شئ ..الرضاعه الطبيعي .....والباقي بتعرفينه من نفسك .وما بتتعبين ...نا كنت في امريكا وما عندي ولا احد .....وكان عمري 18 سنه ....وانجبت اول طفل لي .والحمد الله جلست هناك خمس سنوات .... وكل شي مر بسلام ....لاتخافين ولا تقلقين ......اهتمي بطفلك جيدا من ناحيه الرضاعه ..

بالنسبة للرضاعه لمستشفى راح يعلمونج الطريقة بس اهم شي تنظفين الحلمة بقطن وماي بعد الرضاعه وقبلها..وبالنسبة للرضاعه الصناعيه لازم تغلين المرضاعه بعد كل رضعه عشان الجراثيم..وعموما بعد مايرضع الطفل لازم تحطين راسه على كتفك وترفعينه لين يتجشأ...اما لو ماسويتي هالطريقة ممكن يرجع وينزل الترجيع في الحلق مرة ثانية ويصير اختناق فانتبهي...وتغيير الحفاض بعد كل رضعه وحطي له فازلين الاطفال او كريم الحفاظ بعد التنظيف..والتنظيف في البداية يكون بقطن وماي ولما يكبر 4 شهور ممكن توديه مغسله الحمام...بس اهم شي التجفيف بفوطة بعد التنظيف عشان مايلتهب المكان او يصير رطوبة
بالنسبة لمسك الطفل فعادي بيكون شي فطري ومحد بيعلمج بس اهم شي تنتبهين لراسه لازم تخلين يدج تحت الراس لانه لين مب ثابت

واي اساله انا حاضرة

انتبهي على راسه
في الشيل والحط لتكونين مررره شوية شده كويسه
عشان اذا كبر مو اي خبطه تضره
حافظي على نظافته لان البيبي دايم يبي اهتمام
والله يكون معك ويفرح قلبك

ياأختى عندك المكتبات فيها كتب اكثر من رائعة عن هذا الموضوع
عندك مثلا مكتبة جرير راح تلاقين فيها الكتب التى تساعدك والاسعار متفاوته مثلما تحبين
وكان الله فى عونك انا مثلك بالضبط ولم استفيد الا من الكتب
لما عدت الى وطنى وجدت معلومات كتير عند الامهات او الجدات خطأ وما فهمت هذا الا من الكتب

الدرس الوحيد الذى تعلمته من التجربة هو لا تذهبى للمستشفى مبكرا
يعنى انا ذهبت للمستشفى وكان بين كل طلقه واخرى ربع ساعة
والنتيجة عذاب بسبب الطلق الصناعى وولادة قيصريه
الله يحفظك
والولدات التى بعدها كنت اذهب للمستشفى بين كل طلقة واخرى 3دقائق
والحمد لله ولادات طبيعية ميسرة بفضل الطلق الطبيعى الالهى
هو اعلم بخلقه
والطلق الصناعى كانوا يحطونه فى الاخر ما كنت اعترض
وقرأت فى كتاب طبى ان بعض النساء لا يستجيب الرحم عندها للطلق الصناعى
ولكن اعلمى انه اشد ايلاما الضعف من الطلق الطبيعى