انا في حيره من امري اتمنى تنصحوني

يسعد مسائكم جميعا .
اول شيء زوجي يسافر اسبوع ويجي عندنا اسبوعين وهذا نظام شغله على طول .
هو من النوع اللي مايحب يطلعنا ويمشينا واذا طلعنا يكون بعد ما ازن عليه .
وقت مايكون موجود عندنا ينام الليل متأخر يصحى الظهر يتغداء يقوم يغسل يده ياخذ معاه مويه وعصير ويطلع المزرعه يكيف هناك ويجونه اخوانه ويصلحون شاهي على جمر وينبسطون للمغرب يجي المغرب اما يبدل ملابسه ويطلع او ياخذ مويه ويطلع يجي وقت العشاء بعد ما اتصل عليه يتعشى معانا ويطلع مايرجع الا اخر الليل يجلس على جواله وينام بعدها وكل يوم نفس الشيء ....
مهملنا بشكل بشع كل شيء فوق راسي من تربية الاولاد ومذاكراتهم وشغل البيت والطبخ وكل شيء وهلى كذا مايفكر يساعدني بشيء على الاقل تربية عياله شايل يده منهم يصرف عليهم بس وغيره مافكر يسوي شيء ..
اشحذه عشان يطلعنا ويتحجج بشغله وهو ماعنده لاشغل ولا شيء ابس يجلس في ذا المزرعه اللي عساها تحترق اسبوع ماتطفى نارها .
امس زهقت من البيت قلتله بطلع عند اهلي طلعت عندهم واخذت اولادي الصغار معاي قلتله بنزل الاغراض وبجي اشيل ولدي كنت شايله صينيه وشنطتي ماقدرت اشيل ولدي دخلت انزل الاغراض حصلت اختي اعطيتها الاغراض وطلعت في اقل من دقيقه ماحصلته طلع من حوش اهلي مسوي نفسه زعل ليش مااخذت ولدي معاي قبل ما انزل من السياره رحت قلت لامي قالت ليتك ما رجعتي اخذتيه كان قلتيله مع السلامه خذ عيالك لاعد تجيبهم لاكن قلتلها ليش اخلي ولدي معاه وهو صغير عمره سنه و7 شهور مابينتبه له لاسمح الله يطيح ينكسر والا شيء هو بيسافر وانا ابتلش فيه بعدين زوجي جاء المغرب عند اهلي ارسل بنتي الكبيره تجيب اختها الصغيره كانت معاي بيروحون مشوار بس ماقالهم وين بيروحون اخذتها وطلعت واخوي الصغير معاهم .
بعدين الساعه 10 جاء اخوي قال يالله اطلعي ابوكم برى يقول بسرعه سألته وين رحتم قال رحنا نتمشى وعمتي راحت معانا والاولاد كلهم .
هنا انا انفجرت انفجرررت طلعت ساكته زوجي حاول يكلمني قلتله لاتكلمني ولا شيء قال وش فيك قلتله ماتطلعني ولا تمشيني حابسني في البيت ماخذني شغاله لك ولعيالك واخرتها تروح تطلع اولاد اخوانك والعايله كلها وتمشيهم وتاخذ امك وانا ماتكلمني ولا تشاورني اطلع معاكم .
قال الله يصلحك اصلا لو رحتي معنا ماكان جلسنا هناك طلعا طلعوا لحديقه قلت ايوه لانك ماتبغاني اطلع من البيت واتنفس مثلي مثل غيري والا حلال لعيال اخوانك وحرام علي ومن بعدها طنشته طلع جاب اغراض للبيت وجاء وانا منسدحه بنام زعل ليش ماانتظرته وسهرت معاه لانه بيسافر بكره اللي هو اليوم وهو مو حب فيني ولا في السهره معي الا لحاجه في نفسه بيقضيها وينام وهذي عادته مالت عليه قال نامي ياساره نامي قلت ايوه بنام ونمت وطنشته الصباح قام جهز اغراضه وطلع حتى ماقال مع السلامه ولا سألني اذا ناقصني شيء مسوي نفسه زعلان ....
المشكله انه مهمل حقوقي عليه لايصرف زي الاوادم ولا يجلس معاي ولا يطلعني ويطنشني والله يابنات انه مايصلح الشيء اذا خرب في البيت اذا قلتله ليش ماتصلحه يقول خالتي قالتلي اسوي شغله في بيتها وطنشتها قلتله انا اولى من خالتك وهي عندها ثلاث رجال مامنهم فايده وانا اذا ماسويت شغلت بيتك من بيسويها لنا وزعل من كلامي .
اذا طلبته فلوس يجلس يحقق معاي في ايش محتاجتها وليش طلبتها واذا جمعت مبلغ يجي ياخذه واذا جمعت عند امي يزعل يقول ليش ما اثق فيه وهو من الاساس ياخذها معاي .
اخر مره اكتشفت خيانته لي ودخلت اخوي في السالفه وتفاهم معاه وحكم لي بمبلغ رضوه خليته معاي واخرتها زوجي استرجعه قلت لاخوي قال مالي شغل فيكم .
الحين ماهو قهر اللي يسويه فيني وعلى كذا دايم ماعنده فلوس ويسلف اخوانه ورواتبهم اعلى من راتبه وانا اذا طلبت يجلس يحقق معاي حتى المستشفى نادر يوديني لمراجعات لانه خاص وكل مراجعه 250 كشف وسونار ويرفض اروح حتى جوالي يجلس شهور مافيه رصيد اقوله اشحن لي ويطنش كل مره يجيب عذر زهقت منه ومن تصرفاته ولأني اعصب عليه تزيد مشاكلنا خلاص ماعد استحمل
بنات الله يسعدكم ايش تنصحوني فيه لاني ماعد اقدر استحمل هذا الادمي ولا استحمل عياله وبيته كله ماني طايقته كرهني في عيشتي بتصرفاته .