انا في حيييييييييره من أمري .......

مرحبااا حبوباات ...
شخبااااااااااركم .....؟؟؟؟؟؟؟؟ إن شااء الله تكونوا طيبين ....

<



<




<


<



بنااات بدخل بموضوعي عالطول .. بناات انا مريضه و ما قدر على شغل البيت و قالت لي امي بجيب لك شغااله على حسااابي .. بس كلمي زوجي اول و قولي له امي بتجيب الشغاله بس معاااشها عليك .. انا رحت و قلت لزوجي .. و زوجي ما رضى ان امي تجيب على حسااابهاا و قال انا اجيب على حسابي ...و جلست انتظر 3 شهور و ما وصلت الشغاله و كلمته و قالي ما عندي فلوس و منحرج منج .<< مجلسني 3 شهور و بالاخير يقول منحرج

قلت له خلااص مو مشكله انا عندي قطعة ذهب ابيعها و اقدم على شغاله وافق و رحت انا وياه و بعت القطعه ب 12 الف ريال و عطيته فلوس و قلت له يلا قدم قالي خلاااص من عيوني

و انتظر و انتظر و كل يوم اسأله و كل يوم يعطيني سالفه المهم أخر شي قلت له قولي صرااحه متى توصل االخداامه .؟؟ السالفه طولت قالي تبين الصراااحه قلت ايه قالي افلووسك موجوده عندي بالبنك و ما طلبت لك شغاله قلت له ليييييييش....؟؟؟ و تضحك علي كل الفتره هذي و طلعت انا مغفله قال لي لاااء بس امي حلفت اني ما اجيب لك شغاله و ان جبت لك رااح تغضب علي ليووم الدين ..

اناا نغزني قلبي و رحت عند عمتي ام زوجي و سألتها ..؟؟اول شي قالت لي لااااا انا ما لي شغل فيكم و انتو بكيفكم انا رديت عليها و قلت لها اني عطيتي زوجي فلوس من فتره علشااان يجيب لي و قالي انج حلفتي عليه ليه يا عمه تسوين فيني كذا و قعدت ابكي جداامهاا بحرقه و ما قدرت اتكلم و زين طلعت مني هالكلمتين و بصوت وااطي و مخنوقه لاني كنت مصدوومه منها و هي وجهاا انتفخ ورمت و قالت انه ولدي غلطاان يوم قالك كذا و بصرراحه انا خفت منها قعدت شوي و لما شفتها سكتت و هدت قمت ورحت لشقتي ...
و الحين تقول لولدها الثاني جيب حق زوجتك شغاله و انا حلفت على زوجي انه ما يجيب ليه ..

مع العلم ان عندها شغاله

و مره بعد ولاادتي لما طلعت من النفااااس طلبت من زوجي نغير جو و نروح فندق يومين و وافق و رحنا والله يا بنات بس وصلت للفندق و كل شوي اخوه الكبير المتزوج يتصل و يقووول تعااااال و لا تأخر و امه كلمته و قالت له إذا ما جيت الحين البيت و الله اغضب عليك ليوم الدين و رجعنا للبيت ...

انا هني ضاااقت فيني الدنياا مدري ليه عمتي تسوي كذاا ... انا زوجي باااار بأمه حيييل و هذا حلو لكن طرييقة امه غلط


و بصراااحه بناات تحول حبي لهاا لكررره صررررررت اكرههاا بس اجااامل زوجي و صاارت مشااكل بين و بين خواااته و صااارت علاااقتي فيهم رسميه فترره و بعدها قطعت علاااقتي فيهم نهائيا لكثرة المشاااكل ...


و من اسبوعين تقريبا جتني عمتي ( ام زوجي ) و وحده من بنااتها لشقتي انا اول مشقت عمتي سلمت عليها سلاام حاار و حبيتها على رااسها (( انا مدري اشلوون احس اني احبها لانها ام زوجي و احس اني اكرهها لانها كله تحلف على زوجي و احس انها منكده علي عيشتي )) و سلمت علي بنتها و تساامحت مني بالنياابه عن خواتها و طلبت مني اروح معهم للبر و انا وافقت و رحت مع زوجي لمخيمهم ...
لما وصلت عمتي استقبلتني و البنت رحبت فيني و قهوتني و سولفت معي لكن خواتها لاااء بعضهن وجيهن عااابسه و مالهن خلق لي و مو هاضماتني و بعضهن بالعكس ارجعن مثل اول زيناات معي لكن سلفاااتي طول الوقت ينااظرني بحقد حتى لما ركبت مع زوجي السيااااره حتى هو لااحظ هالشي و قال لامه زوجات اخوي بس ينااظرني و ينااظرن حرمتي و عيونهن الحقد اشسالفتهن ...

قالت له زعلااناات لاني رحت عند زوجتك و رضيتها ..

و بعدها طلعت المخيم ما رحت عندهم و لا عند عمتي لاني متخوووووووفه منهااا حييييل ... رااسخ فبالي ان الحرمه هذي لو ترجع علاااقتي فيهااا زينه و قويه رراااح ترجع تحلف على زوجي مثل اول انها ما يعطيني و ما يسوي لي شي و خصوصا اني الحين سجلت بمعهد خااااص و اناا خايفه انها إذا عرفت تحلف على ولدهاا ما يدخلني المعهد و ادرس

و انا بطبعي ما اعرف اكتم شي يعني إذا رحت عندهم بقول كل اللي في بطني

زوجي يقول امي تغيرت مو مثل اول ولو تروحين عندهاا و تجلسين معاها لحالك رااح تشوفين انهاا تغيرت و انااا بناات حدي متخوفه انها تحلف على ولدها

مع العلم ان اهل زوجي ماديتهم زينه و مو قاااصرهم شي الحمد الله ..

و المشكله اني اقول كل شي و ما اكتم و انا عرفت ان ام زوجي تسمع كلاامي كله و تشووف الاشيااء اللي بنفسي مرررررره و تروح من وراي تحلف على ولدهاا



بنااات شنو الحل براااااااايكم ........؟؟؟؟؟؟؟؟؟ ابي نصيحه و دعواتكم لي