انا في خطر ابي راي الدكتورة و رايكم

حبيبتي
الله يعطيك لما يرضيك
انتي قلتيها هذا الشي حرام
تعوذي من الشيطان لأنه هو اللي يجيب لك هذي الأفكار
انتي تحمدين الله على النعمه اللي انتي فيها وادعي انه يعينك ويعاونك على حملك
ويسهل دربك ويفرج كربتك على خير وسرور وعافيه
وان الله يثبتك ويثبت حملك
ويصبرك ويشد من ازرك
وتلاقين ان هذا الحمل راح يمر عليك اسهل من كل مره وان شاء الله الولاده
وانتي مثل ما كتبتي في موقعك
دنيا فانيه
فما نحاول اننا نتعلق بحبالها وهي فانيه
الله يعيذك من الشيطان
ويتمم لنا ولك على خير وعافيه
لا

الحمدلله والشكر

احد يرفس النعمه؟؟؟؟

وبعدين شنو هالخرابيط تنفتق العمليه ومدري شنو!!!!!!!!!

اعرف ياما ناس حملوا بعد الاربعين مباشره ولاصارلهم الا كل خير

لاتوسوسين ترى مالج الا العافيه باذن الله

انتي احمدي النعمه الي انتي فيها وتعوذي من ابليس حبيبتي

الله يكتبلج الي فيه الخير

هذا انا حامل لي شهرين وبنتي يدوبها اربع شهور والكبيره 3سنوات ومطلعه عيني

ومن عرفت بحملي ماعلى لساني غير كلمة الحمدلله على نعمته

حبيبتي توكلي على الله ولا تحاولي تدخلين نفسج في متاهات ارضي بماقسم الله لج لأنه هو العالم والكاتب أكيد هو كاتب هالحمل لج وفيه الخير وللعلم بنتخالة زوجي صار لها نفس حالتج الفرق انج حملتي بعد خمس اشهر وهي حملت بعد الأربعين يوم من الولادة وبعد بقيصرية وكانت نفسيتها زفت وتبي تنزل البيبي وربها ثبت لها الحمل والحين البنوته عمرها سنة وشوي والله انها بيضاء جمييييييييييلة مرة ودايم مبتسمة وسبحان الله طلعت أحلى بكثير من أختها الكبيرة وأمها تموت عليها دايم وكل مرة نشوفها تقعد تبوس فيها نقول لها هذي اللي كنتي تبين تنزلينها ها .
والله انها تقعد تلعن في الشيطان اللي كان موسوس براسها بس الحمدلله ربها هداها.
للعلم هذي بعد ولدتها بقيصرية بس لله الحمد ماصارت لها اي مشاكل .

الله يعطيكم العافية
والله كلامكم زال الهم عن قلبي
لاكن احس بالم اسفل ظهري ما دري شسالفة
وبسالكم اكيد اللحي لازم اخذ فتمينات لان الحمل المتكرر يدهور المراة الحامل
ايش تنصحوني فية

الحمدلله انج رجعتي لعقلج

الالم اسفل الظهر طبيعي مع الحمل حبيبتي

الفيتامينات ماتخذينها الحين

الحين بس تاخذين فولك اسيد الى الشهر الرابع