انا في ضيقة

السلام عليكم
هذا رابط موضوعي الاول فيه شرح لكل شي
https://www.hawaaworld.com/showthread.php?t=4660326
بعد الي صار اختي زعلت على امي فترة بعدين رجعت تكلمها وقالت بجي قالت امي لا تجين وزعلت مرة ثانيه وبعدها جت امي قالت لي ودي بنتي تجي قلت والله العظيم مالي دخل انتي الي قلتي لها لاتجين وانا دقيت عليها بعد ماارسلت لي دعاوي تروع قلت لها والله ماقلت لاتجين وانتي على راسي وصكت السماعة بوجهي لكن بنتها الي اهانتني وتسلطت على بنتي اذا دخلت بطلع وابسط حق لي انا احس ولي قلب ولي كرامة وكانك يمه تبين اطلع من البيت طلعت استاجر لي باي مكان بس خلاص اعتقوني لوجه الله انا تعبت انا وش دخلني بعرسهم الي يبون يغبونه وجلست اصيح خلاص ضاقت بي الدنيا وين اطير
وترى امي ماتبيني اطلع وانا والله مابي اخليها امي خرمة كبيرة بالسن بلحالها بالبيت وكم مره تتعب باليل ونسعفها انا وبنتي واذا بغت شي اجيب واذا جو ضيوف اضيف وجايبة شغاله للبيت واقل شي اقدمه لها ومقصرة معها ولااشوفه شي بحقها بالعكس والله اني اقول لعله خيرة اني معلقة لان امي محتاجة لاحد بس اخاف اني مضايقتها وماادري وش اسوي بنفسي. اخاف اني مابريتها احس بضيقه واحس بتعب ومسئولية ماارتاح ابد دايما مستنفرة خايفة من دعاوي اختي علي وعلى عيالي اخاف اني ظلمتها اخاف اني ضريتها يوم قلت اذا دخلت بنتها بطلع طيب يعني يهينوني ولايبون اي ردة فعل
والله مدري وسبحان الله دايم احلم بعيال اختي ذولا يحبون راسي ويبتسمون لي ويسلمون علي دايم مدري علشان والله طول عمري اتذكرهم واجيب لهم واهديهم انا عندي احساس بتانيب الضمير ومتحسفه اقول ليتني سكت ولا قلت ولا شي وخلهم يرسلون لبنتي كيفهم انا جبت مشاكل لنفسي احس انا الجانية ليتنا سكتنا بس انا انقهرت على نفسي وبنتي بس ليتنا ماقلنا شي الحمدلله طول عمري اسكت واصد عنهم وخلاص او ل مره يصير لي موقف وبنتي دايم تنقهر مني تقول انتي دايم ساكتة تكلمي حسستها بالضعف وصارت مثلي تسكت وتصد