القموره الاموره


الله يحفظك دنيا واخره

كلامك يثلج الصدر والله

وقد صارت لي مضايقات من قبل بس ماكنت ارد وتنتهي

بس الحين غير لاني متزوجه تو

واشكر كل الاخوات اللي تفضلوا علي ونصحوني

بس توني متزوجه واستحاله اقوله

قلت لعمي وهو شاب في سني

وعطيته الرقم وكلمت الهيئه بعد

والله العالم وش قد كان متفاهم معي ومتعاطف

وخذا الرقم قال لاتخافين

الله يوفقه ادعي له بظهر الغيب

بعدها قريت بعض الادعيه ومنه دعاء للاخت هنا

وهو طويل بس قريته وتوكلت على الله

ومن بعد ما كلمت الهيئه ماعاد دق

وهو كان كل نص ساعه يدق

ادعوا لي اخلص من هالطامه

واقسم بالله ماشكيت لكم الا لمعزتكم واعدكم اخوات

ولا قلت لاحد الا انتو

الله لايخليني منكم

الله يستر عليكم

اسمعي ياحبيبتي زين انك علمتي الهيئة و أحد من اهلك
وانتبهي لا تسمحين لأحد يهددك لو ايش كنت مسوية ..
خير ياطير .. خليه يجيب اسمك وكل المعلومات عنك .. والله لا اسمك عار ولا تفاصيل حياتك فيها عيب .. وحتى لو حاول يستغل اي غلطة ممكن انك عملتيها قبل .. لا تخلين له مجال .. اشرفلك ان اهلك يعرفون مشكلتك ويتفاهمون معاه ولا يجيك كلب داشر يهددك ويضغط عليك ..
ونصيحتي ما دامك متزوجة الحين ولسه جديدة في زواجك .. ابتعدي عن صديقات السوء او اي صديقة لها ماضي وحركات نص كم .. لان اغلب هالصديقات ما يجرون وراهم الا المشاكل والبلاوي .. والا يعني واحد زي هذا بيجيب معلوماتك من وين .. من امك والا اختك والا شغالتكم ؟؟!!! اكيد من صديقة سوء مقهورة منك ..
والله الله بالدعاء والقرب من الله ..والله يارب يفك ضيقتك ويريحك

اختى اول شىء

مايفرج الكربات الا الله سبحانه وتعالى الجأى إليه فى كل وقت

وكلام الاخت مجنونة ابو العيال صحيح
مدام انك واثقه من نفسك انك ماسويتى حاجه غلط صارحى زوجك واعطيه الرقم صدقينى الرجال يعرفون يتصرفون
ومدام انك مظلومه الله سبحانه وتعالى بيكون معاك
والله يفرج همك

الأخت الطفلة

لاتخافين ولاتبكين

بالعكس انت علطول
اتصلي على زوجك وخبريه بهذا اللي اتصل

وعلميه بالسالفة

وإذا تعرفين احد في الاتصالات عطيه الرقم ويطلع لك اسمه وهو هذا اللي سواه معك

ولاتخافين

لانك ماقلتي ولاكلمة يمسكها عليك

أختي الكريمه :
أولا :
أنصحك أختي أن تدعين الله أن يفرج همك
ثانيا:
عليكي أختي أن تخبري زوجك بهذا الرقم وأن تقولين له الصراحه وتقولين له أنا رديت عليه وقالي اسمي و....الخ
أختي قولي لزوجك كل شي عشان يثق فيك ويعرف إنك مستحيل تخبين عنه شي
أختي والله الصدق منجاه
وقولي لزوجك أنا ما قلت لك هذا الا وانا واثقه فيك انك تصدقني