انا في ضيق ،، وخايفه

السلام عليكم ورحمة الله وبركاته
هذا اول موضوع لي وان شاء الله بيكون في مكان مناسب
ما ادري كيف حأبدأ ،،
انا مهمومه بشكل لا يعلمها الا الله ،، والحمد الله على كل حال
انا مغتربه وادرس في الجامعه ،، اول سمستر جبت معدل كويس ،، سمستر ثاني جبت اقل وعطوني إندار ( وقتها ما كنت عارفه انه لازم اجيب معدل كويس عشان ما انفصل من الجامعه ) ،، السمستر الثالث وقدر الله انهم فصلوني من الجامعه وللان ما اقدر اقول لاهلي ،، مستحيل من مستحيلات سبعه ،، جدا صعب علي اني اقولهم ،، المهم قالوا لي عبي البيانات وسجلي من جديد بس حتعيدي من اول السمستر وممكن يوافقوا طلبك او لا والجواب حيكون بعد اسبوع او اسبوعين ،، انا ما عندي اي مشكلة اني اعيد لان عندي فرصه كبيرة اني اجيب معدل كويس
المشكلة اني كذبت على اهلي وقلت لهم حأعيد من اول سنه عشان النظام الجامعه تغير ( بليز لاحد يعصب علي او يعلق ،، انا مستحيل مستحييييييل اقول لاهلي ،، صعب صعب جدا ) وهم بالعكس قالوا لي قدر الله وان شاء الله بتتعوضي و هنا حسيت بتأنيب ضمير ومضايقه جدا بس قلت لنفسي اني حعوض واجيب معدل جدا ممتازة عشان افرحهم
اللحين انا مستعدة كل استعداد ادرس ٢٤ ساعه بس يجيني قلق انهم ما حيوفقوا التسجيل حقي ،، يجني هم مو طبيعي ،، اقول لنفسي اذا ما وافقوا ايش راح اقول لاهلي ،، كفايه اني كذبت عليهم ،، والله اني خايفه وقلقانه ،،
بدعي ربي انهم يوافقوا بس قلبي مو مطمئن بالمرة ،، حاسه بذنب وحاسه بخوف جدااا
انا طالبة لما كنت بالمدرسه كنت من المتفوقات جدا واحب ادرس ،، لدرجه كنت ادرس في الاجازة واهلي كان فخورين جدا اني اجيب درجات فوق الممتاز ،، كنت مرة متفوقه ودخلت الجامعه ،،في السنه التحضيرية نفس الشئ كنت مرة متفوقه ونجحت بامتياز ودخلت الكليه اللي كنت ابغاها ،، الفصل الاول تغيرت ،، مو من صدمة المواد ،، ما اعرف وش السبب يجيني خمول غير طبيعي ولما ابدأ اذاكر ،، يجني توتر وما اقدر ارككككززز ابدا وما اطيق شئ اسمه الدراسه ،، وكرهت الجامعه كره غير طبيعي لدرجه كنت اغيب الكلاسات ولاول مرة يصير لي هالشئ ،، لما كنت في المدرسة ما كنت اغيب الا نادرا نااادرا لدرجه زميلاتي قالوا انت ما كنت تغيبي واللحين تسحبي على كلاسات والله انك تغيرتي ،، ويجي الاختبارات وهو سهل بس اجيب درجات واطيه جدا ،، يعني انا اوطى درجة جبتها في الكلاس ،، بصراحه اول مرة يصير لي كذا ،، وعندي عادي لا اكون متأثرة ولا حتى ابكي ،، تغيرت مرة مرة كثير
بس لما شفت النتائج وفصلوني ،، حسيت بضيق شديد ،، بس قالوا لي ممكن نعطيك فرصه ثانية وممكن لا ،، وهنا همي بدأ يكبر ويكبر
دعواتكم يا بنات ،، مرة محتاجه دعواتكم ،، كنت ابغى افرفش عندكم وحابه نصائحكم وبالله محد يعصب علي او يعلق على أي شئ ،، دعواتكم ثم دعواتكم


بس لازم تعرفوا ان مستحيل اقول لاهلي ،، والله صعبه 😭
وربي يجازيكم كل الخير ❤❤