انا في قلق وحيرة ..طفلي خديج ووضعه حرج

السلام عليكم ودي باستشارتكم في موضوع مقلقني جدا
انا ولدت في الاسبوع 26 ورزقني الله بولد ولله الحمد .. لي اليوم 45 يوم .. طفلي مازال في العناية المركزة للخدج وعلى جهاز التنفس لانه كل ماشالوا عنه الجهاز ينقص عنده الاكسجين .. المشكلة اني كل مارحت له يكون نايم ماعمري شفته مفتح عيونه او يبكي او يتحرك مثل الاطفال اللي حوله .. سألت الدكتوره عن وضعه قالت هذا بسبب دواء التشنجات وهذا اللي صدمني ماتوقعت يعطونه دواء للتشنجات مع انه التشنجات جته قبل تقريبا شهر ولمدة يومين بس وبعدين راحت ماتكررت عنده توقعت انه التشنجات شي عرضي يجي ويروح عند الخدج .. مادري هل هي شي مؤقت او راح تستمر مع ولدي وتكون عنده دائمه .. المشكلة الثانية انهم قبل 3 اسابيع سواا له تحليل عن الامراض الاستقلابية وطلع عنده اشتباة وعادوا التحليل مرة ثانية واعطى نفس النتيجة .. وقتها الدكتورة استدعاني انا وابوه وقال لنا عن نتيجة التحليل .. طبعا قال احتمال الاصابة بالامراض الاستقلابية يكون من الوراثة او التغذية الوريدية وقال انه راح نعيد له التحليل بعد مانوقف التغذية الوريدية عشان نتأكد هل عنده امراض استقلابية او لا ونتأكد من السبب .. لهم الحين تقريبا اسبوع من اخذوا منه التحليل الثالث بس النتيجه راح تطول دعواتكم انه يطلع سليم يارب .. اللي مرت بنفس حالتي ياليت تفيدني وتطمني الله يطمن بالكم يارب لاني في قلق وحيرة وقلبي يتقطع على ولدي كل مارحت وشفت حالته وكأنه في غيبوبه لايتحرك ولايبكي ولايفتح عيونه ..طمنوني وريحوني الله يطمنكم يارب 😔