اصبري وتدرجي حافظي على الصلاه والسنن والاذكار والاستغفار والصدقه ورقي نفسك كل بعد صلاه واسمعيها وانتي نايمه من الجوال تكرار واقري سورة البقره في كاسة ماء وشربيها وسوره يس كذا مره في اليوم لو تعبتي اعرفي انها جابت فايده استمري اهم شي اتصدقي لو بشي بسيط كل يوم راح تتحسنين ان شاء الله

سلامتك
لو اجتمعت الا مه الجن والا نس ان يضروك بشي لن يضروك بشي كتبه الله
ومن توكل ع الله فهو حسبه

الاعراض اللي فيك متأكده انها عين ؟؟


ادخلي منتدى عبد الله خليفه وافتحي ملف طبي واقري مواضيع هناك بتستفيدين حيل

ومن تجربتي للضيقه اخذي كاس ماي بارد كبير واقري الفاتحه سبع مرات وكبيه ع راسك
اسأل الله ان يشفيك شفاء لا يغادر سقما

الله يسعد كل اللي ردوا عليا والله يجزاكم خير ويرزقكم سعادة الدارين ويجعل لكم من كل ضيق فرجا ومن كل هم مخرجا كلامكم يثلج الصدر الله ينفعني به يارب وراح اعمل به واستفيد من تجاربكم وفعلا تركت سماع الرقية من الجوال وبديت ارقي نفسي بنفسي والله يساعدني ويخليني استمر حتى يحصل الشفاء
عزيزتي pesssso ماعرف كيف اكلمك على الخاص لكنك ما قصرتي كفيتي ووفيتي الله يحفظك يارب استفدت من كلامك مشكورة غاليتي

أحد الأخوات شفاها الله من العين بعد ماكانت تستغفر يوميا فوق ال10000 مره
الله يشفيك

انتي من كثر ماتوسوسين بالعين مانتب طيبه ابد انتي عايشه شي نفسي والا نعم ربي عليك كثيررره الحمدلله وذا فيك عين كلنا صابتنا عين مافيه احد ماجته وتعالج ابتلا من الله اما اني اوقف حياتي واوسوس ان حياتي متوقفه عشان عين ابشرك مانتب طيبه ابد ربي فوق كل شي لو كانت قديمه او جديده ربي قادر على نزعها ماله دخل تقولين قديمه ميب رايحه يااختي قوي ايمانك بالله وثقي وتوكلي تراي قبل مثلك واشد اوهام وسواس وعين وكل حياتي اربطها بعين بس يوم تعوذت من ابليس وتوكلت على الله ورقيت نفسي وقلت خلاص انا سويت رقيه وربي الشافي متوكله عليه شوفي بعطيك رقيه ابيك تيقيني بالشفاااء موب تسوينها على سبيل التجربه وباذن الله بتشوفين العاافيه والاهم من الرقيه المحافظه على اذكار الصباح والمساااء ونصيحه زيدي علي على الرقيه ايات السكينه مررره تغيرت نفسيتي بعد مازدت ايات السكينه للشيخ خالد الجبير وهدت مررره بعد ماكنت قلقه خوافه مظطربه واشياء مايعلم بها الا الله ادعي لي ان ربي يتمم علي الشفاااا

http://forum.hawaaworld.com/showthread.php?t=1837781