انا في متاهه كرهت زوجي وكرهت حياتي معاه والحل

انا انسانه متعلمه دراسات عليا وقريب بطلع بعثه دكتوراه مشكلتي كبيره مع زوجي

قبل فتره هو نقل في عمله لمكان جديد وفي احتكاك مع الموظفات

طبعا زوجي مشاكلي معاه زادت مره

وطبعا سار يكلم وحده من الموظفات اللي معاه في الدوام وانه تربطهم علاقه صداقه هيا متزوجه ومخلفه بس عندها مشاكل مع زوجها تقولها لزوجي

انا راقبت زوجي لقيته يتصل عليها في الويكند وطبعا يحكيني عنها وعن حياتها الشخصيه

وكفشتو متعرف على وحده كنت في التاسع على وشك ولاده

وواجهتو بس بطريقه ذكيه اول شي جبت له هديه عيدميلاد ه كاميرا احترافيه كان يتمناها

بعدها واجهتو بخيانته عشان ازيد تايب الضمير عنده وكنت اخترت وقت قرب ولادتي عشان اكسر خاطره ويحزن عليا

وكنت مخططه اسيبه واروح بيت اهلي عشان اولد عندهم وما اخليه يشوف طفلته كان اربيه

ومنها اجلس ببيت اهلي زعلانه ونفاس بنفس الوقت

كل هدا بتخطيط مسبق

وواجهته بعد ما جهزت كل شي للبعثه عشان اعوج يده لانه مره نفسه يسافر

وطبعا اخر الليل شفت جواله وواجهته بالدليل
وصحيته من النوم

واتضاربت معاه

وصارحني بكل شي سحبت لسانه واعترف بكل شي اهتمته باشياء كبيره ما سواها عشان اثيره ويعترف بكل اللي سواه

كنت مستقصده ودارسه كل خطوة

طلبت الطلاق رفض

اتعمدت اجرحه وقلت له باتزوج غيرك واحد غني يحطني بعيونه

وقلت له عيالك ما ابغاهم عشان لا يعوج يدي بيهم

واعترف بكل شي وبكي وطبعا حلف على المصحف معاد يعيدها ويتوب وحلف انه ماراح يطلقني

كل شي على المصحف

وحلفني ما اطلب الطلاق لانه يحبني

بس انا احس انه يبغاني عشان اوديه البعثه ورجعي عشان البعثه
ومرات اقول خلاني هنا عشان اربي عياله

لان مافي احد من اهلو مستعد يربي

وطبعا قالي دقي على زميلتي في الدوام واساليها ما بيننا شي

ودقيت عليها وخربت عليه في شغله يروح متنكد ويرجع متنكد وسارت له مشاكل مع البنت

انا رحت ابغى اشوفها بدون علمه بس لقيتها ماخده اجازه

كلمتها جوال واتفاهمت معاها طلعت كبيره في السن يعني 35 زوجحي 28وانا 27

طبعا وعدني زوجي باشياء كثيره منها انه يبغى يسفرني ويهتم بيا واشياء كثيره

غير انه كان متعرف على وحده يطقطق معاها حق وناسه

المهم اني لعنت جدفه واخدت حقي حق الايام اللي كان يسيبني فيها ويطلع يكلم بنات

واعتذر مني وباس رجولي


بس انا كرهتو خلاص وماليا نفس اعيش معاه

قبل لا يرجعني من عند اهلي اشترطت عليه شرط تعجيزي انو يسفرني وما ارجع معاه الا بعد ما اشوف فيز اروربا والخدامه تدخل البيت قبلي

ويعطيني مبلغ 30 الف

كنت ناويه افقره

حقدت عليه مره

طبعا وعدني يحقق لي كل متطلباتي وفجاءه رفض واخويا قالي ارجعي بدون شروط وقفوا اهلي ضدي ورجعت بدون شي

بس دحين سرت ماراعيه نهائي اصرف بالهبل لي صار نص الشهر ماعنده فلوس واكل من برا ما اطبخ نهائي

زمان كنت اراعيه واحبه

دحين كرهته وحقدت عليه امثل الحب قدامه واستنزف جيبه

واهلكه بالمشاوير


كله حق تعبي وسهري في مراقبته والله اني راقبته حق 6 شهور تقريبا

الين ما خططت لكل شي

ادري انه يحبني بس سرت اشك في كل شي

حتى حبه لي اشك فيه
واحس انه مخليني عشان اربي البزوره ولا عشان نفسه يطلع معايا البعثه عشان يدرس لانه فاشل وغبي ما يقدر يطلع لا على حسابه ولا بشهادته الفاشله


احس انى دخلت نفسي في شي وانا مو قده واتورطت معاه


ايش اسوي نفسيا تعبانه مره

بس ابين انى مبسوطه واحط ميك اب كثير مره واصبغ شعري كل شويا اهلكت نفسي نحفت 4 كيلو في شهر نفسيتي مدموره جدا

امثل اني مبسوطه واحط مكياج كاني بروح زواج ما كنت كدا

لبس البيت اشتريه ب250 شورت وبلوزه عريان قطن بس عشان افقره

والله زمان ما كان يشتكي من نقص فلوسه الان سار يشتكي

دخلت سيفورا واشتريت 3 عطور ب1800 وانا عارفه ما عده بس لعانه وحقد


وسرت كل ما اشوف سياره فخمه اقوله شوف الناس كيف حظوظها ماشاء الله مو انا ابغى احطمو رغم انه سيارته جديده بس عاديه


كدا قاعده ادمره وادمر نفسي وابغاه يطلقي بس مو راضي



انا اكتب وابكي وفيني غصه

استغفرالله العظيم


رجاء بنات لاحد يجرحني