انا في مشكلة كبيرة وابي حل لها ضروري ..

السلام عليكم ورحمة الله وبركاته

بدايةً اتوقع اغلب اللي يقرون موضوعي هذا قروا موضوعي السابق اللي قبل 4شهور عن ولد خالي .. حابه اقولكم الحمدلله قدرت انساه وانسى كل شي عنه والسبب في هذا ان تعرفت على شخص نساني كل معاناتي وعوضني عن كل شي فقدته بيوم بحبه الكبييير لي اللهم لك الحمد ومشكلتي اللي حابه اطرحها عليكم هي عن علاقتي معه ,, ( اتوقع ان في شخص قاعد يقرى موضوعي الحين يعرفني شخصياً وحابه اقولها ترى انقطعت علاقتي معك لظروف اقوى مني والله العظيم واسفه كثييير ,, بعد ما تقرين موضوعي راح تفكرين ان الشخص اللي ببالك واللي تعرفينه هو اللي اقصده ,, لا ترى ما اقصده ابداً اللي اتكلم عنه شخص ما تعرفينه تماماً )

على العموم مشكلتي بالتفصيل هي كالتالي :

انا احبه واهو يحبني وكثييير بعد بس المشكلة هي اننا ما نقرب لبعض يعني تعرفنا على بعض من النت ,, صراحةً بداية علاقتنا مع بعض كنا مجرد اصدقاء بعدها باسبوعين يمكن , اعترف لي وقال لي ( احبك ) وانا بصراحة كنت احبه بعد بس كنت ساكتة ولا قلت له , ومن هنا بدت علاقتي معه ومع الايام كبر حبنا لبعض وتعلقنا ببعض اكثر الين جا يوم من الايام وقال لي انه يبي يتزوجني ( بس طبعاً مب الحين لاننا كلنا صغار انا 16 واهو 19 بس انه السنة الجاية راح يدخل جامعة ) المهم اننا جادين اتجاه علاقتنا ببعض يعني مب مجرد فترة وخلاص لا طبعاً , واحنا من مناطق مختلفة وبعدية شوي عن بعض , بس اللي مساعدنا انه بيدرس بنفس الجامعة اللي بمنطقتي ,, ف فكرنا اننا لازم نستغل هالشي لصالحنا بانه يتعرف على شخص يقربلي اياً كان ويصيرون اصدقاء بعدها يتقدم لي كـ صديق "فلان " وانا اكون بنت تصير لصديقة ( للتوضيح انا اكبر وحده وما عندي خوان اولاد بس عندي عيال زوج امي لكنهم مب خواني يعني اتغطى منهم ) ف فكرنا انه يتعرف على واحد فيهم اللي بنفس مرحلته بالجامعة ويسوي اللي قلته قبل ,, الى هنا كل شي تمام لكن راح يتغير وضعنا بحالة وحده بس اذا كان ولد زوج امي مب نفس تخصصه هنا راح تكون المشكلة الحقيقية فلو " لا قدر الله " وصار هالشي نتيجةً له ماراح يصادقة ولا راح يقدر يتقدم لي ,, ف لو سمحتوا اي شخص عنده حل ياريت ياريت لو يفيدني والله العظيم اني بمشكلة كبيييرة ولا اعرف وش الحل ,, عارفه ان راح يجون ناس ويقولون لي ان هالشي غلط وحرام وانا المفروض ما اسوي كذا ولازم اتركه وما ادري ايش ,, ترى والله عارفه كل اللي بتقولونه وفاهمته ف ماله داعي تقولون لي لان سبق وجربت اتركه مرتين بس ما قدرت لأني خلاص صرت متعلقة فيه كثييير ,, ( اخر شي اهو ترى عنده خوات لكن اكبر منه ف ما يقدر يقولهم عن علاقتنا ولا يقدرون يساعدونا ,, وانا واهو مستعدين نسوي اي شي عشان نكون لبعض , لكن طبعاً مب لدرجة نكشف عن علاقتنا ,, اي شي بيساعدنا راح نسويه)





اتمنى اتمنى اتمنى تلقون لي حل لان والله مررره متأمله انكم راح تلقون لي حل ان شاء الله ,, ف ياريت تحاولون تساعدوني بمشكلتي هذي .. استنى ردودكم وحلولكم .