انا في مشكلة ممكن مساعدة

السلام عليكم كيفكم يابنات والله أنا في مشكلة واتمنى تساعدوني لأني تعبت منها بصراحة أنا زوجي مايحب ان اختي تزورني وياما مشاكل حصلت بيني وبينه علشان كذا ولا حتى يحب اني ازورها وهو ما عنده سبب إلا أنه يكره زوجها والحقيقة انهم ما يتقابلون اذا جات عندي ينزلها زوجها ويروح وانا نفس الشئ اذا وداني عندها ينزلني ويروح بس مع ذلك منكد علي بسبب الموضوع هذا حتى اني صرت اتوتر كل ماجاتني لاني عارفة انه مو مرتاح حتى هي لاحظت وقالت إذا كان زوجك ما يبينا نزوركم قولي لي وخلاص مابنزوركم وانتي تعالي في أي وقت بس والله هذا مو حل مرضي هو بصراحة احيانا يلين من هالناحية ويقول انا مالي حق احرمك منها واحيانا عكس تماما ويقول اذا تبيني اكون راضي عليك قاطعيها بس مومن حقه يقاطعنا من بعض خصوصا اننا عايشين انا وهي بعيدين عن اهلناولا عندي احد من اهلي إلا هي وما ادري إيش اسوي ويستثقل المشوار لبيتها رغم انه مو بعيد واي مشوار ثاني عادي مثلا عند صديقاتي اواحد من اهله هو عموما ما يحب الزيارات كثير بس دايما يحرجني معها والحين حتى امي زعلانة علي وشايفة اني انا الغلطانة تقول ليه ما تستقبلين اختك عادي وانا ماني عارفة ارد عليهم تكفون يلبنات ساعدوني كيف اتعامل مع اختي في هذه الحالة وكيف اتعامل مع زوجي وبصراحة انا ماابي يصير بيني وبينه مشاكل