انا في مشكله مع زوجي .........ساعدوني الله يخليكم

ارجوا منكم مساعدتي في المشكلة اللي صايرة فيني مادري من وين ابتدي أحس أني في دوامة ماني عارفة أولها من آخرها اللي متذكرة اللي حصل معاي البارحة وهي أني طلبت منة يوديني عند أختي بالمستشفى فقلي إن سيارتة ماهي عندة وأنة ما يدري عن المستشفى مع أني قايله له اليوم اللي قبله أنا لما سمعت رده تنر فزت مره حسيت انه ماهو مقدر أهلي واللي ما يقدر الأهل ما يقدر الزوجة عدل كلامي والا لا.. المهم هو بدا يقولي إن أختي ماتيجيني ولا تكلف علي مثل باقي أخواتي إنا قلتله أنا ماعلي منها وهي ما تقصر إذا سمحت الفرصة لها وبعدين قلتله إن إحنا خوات والاخوه في الدنيا .. لحد هنا وكل شي عادي بس بعدين ارتفعت أصواتنا وبدا يغلط علي وعلى أهلي ويقول أني بلا شخصية وأختي اللي ممشياني على كيفها وأنها سبب مشاكلي معاه وقالي بالله روحي عند اهلك وخليها تنفعك أنا كنت باروح بس عند مين أمي مع أختي وأبوي متوفى من زمان وأخواني كل واحد في بيته أنا ما بغى السالفة تكبر ولا أريد أهلي يدرون لأني تعودت ما قول لأحد عن مشاكلي بالله عليكم ايش أسوي أنا صراحة طفشت من تفسيره كل مره يفسر تصرفي على كيفه أنا لما سمعت كلامه الجارح ما تحملت قلتله انك منت رجال وان الحياة معك صعبة وأنا تحملتك وايد وكل مره أقول يمكن يتغير من هذا التفكير الخاطيء وانك قلبك اسود ومريض وما تقدر أهلي ولاتتحترمهم قام قالي (إن كل أهلي تحت رجله وروحي عندهم وشوفي حياتك لأنك مطمنة انك راح تتزوجين وبرسلك الورقة حقك ) ايش رأيكم من الرد هل أقول لأهلة مع أني عارفه انه مافي فايدة والا أقول لأهلي...... أنا ما بغى اخسره ولا يخسرني لأنه هو لسانه كذا وبعد شوي يتكلم معاي ولاكنه صار شيء بس مانا عارفة اسوب شيء هو يقولي لوانك طلبت طلب ماهو امر كان ماحصل اللي حصل ويقولي ان ماحب المرأه اللي تمشيني على كيفها