انا في مصيبه ؟

انا في هم وغم ما يعلمه الا الله زوجي تغير علي فجاة وبدون يوصار ماهو طايقني ولا طايق اولاده , من يوم ما يدخل البيت يدور اي شي عشان يصرخ عليا انا واولادي ولا يتكلم معاي بالايام ولا يطلب مني شي هدا كله وانا ساكته ولاا اتكلم حتى لما سالته يقولي انتي انسانه غريبه ما تضحكين ولا عندك حنان حتى مع اولادك وبس مكشره ما تعرفي تحتويني ولا تتدلعين زي الحريم .
انا انصدمت من كلامه عمره ما قالي كدا حتى طريقة كلامه كانه مل من العيشه معايا وكل العيوب الي قالها هي اصلا موجودة فيه هوه جامد ما عندة مشاعر ما يعرف الرومانسيه صامت طول الوقت وانا من زمان متحمله وما اتكلم اقول طبعه كدا ,بس طيب ويخاف الله ,بكره يتغير
ولا عمري زعلته ولاسويتله مشكله مخليته عايش على كيفه .
الغريب االي حصل ان اخته جات وكلمتني في الموضوع وانها ملا حظه التغير الي حاصل لاخوها . حتى انه جا وكلمها وقالها انا متغيرماني طايق بيتي ولامرتي ولا اولادي وانه يحس بضيقه لما يشوفني ومن يوم ما يدخل لبيت واتكلم عن عيوبي وانه يفكر في الزواج ,طبعا هوه مامنها على دا الكلام انه ما يوصلي ,
وانا مصدومه وماني عارفة كيف اتصرف معاه انا ما في شي تسويه اي زوجه لزوجها ما سويته وزياده كمان وادا فيه عيوب فعيوبي الطيبه والتضحيه الزايدة بدون مقابل
ارجو من كل وحده تعطيني حل او راي او دعوه احس اني ماني قادرة افكر
اللهم اجرني في مصيبتي واخلفني خيرا منها