انا في مصيبه اقسم بالله ماني عارفه كيف اتصرف

بنات الحقوني بحل تكفوون طلبتكم اقسم بالله مصدومه من اللي حصل معاي اليوم
البارح سهرت مع زوجي ونمت متأخر قرب الفجر صحيت الساعه 5 رحت اجهز عيالي للمدرسه
بعدها جلست صاحيه للساعه 10 جهزت اغراض زوجي وسافر
ماقدرت انام جلست انتظر عيالي يجون من المدرسه جت بنتي الساعه 12 تمام بعدها بشوي اخوها جاء قلتلهم كلوا اي شيء من الثلاجه وانا بنام شوي واذا صحيت بصلح غداء
صحيت الساعه 2 وكانت الصدمه
ولد عمتي جالس في صالتي يتفرجلي وانا نايمه في غرفة النوم كبير عمره 17 اذا ماكان 18
انفجت منه شافني صحيت وطلع بسرعه
عيالي معاه اكبرهم في اول بنتي الكبيره كانت عند بنت عمها في الشقه اللي جمبي
بعد ماطلع سالت عيالي ايش كان يسوي قالولي انه دخل المطبخ اخذ سريلاك واكل اخوهم الصغير وجلس معهم . مع ان باب البيت مقفل بس بنتي الصغيره تفتح وانا ماعمري شكيت ولا حتى واحد بالميه ان احد من اهل زوجي او عيال اخوه بيدخل علينا ماكنت اقفل بالمفتاح لان عيالي يضيعونه ولو رفعته ينزلونه بأي طريقه حتى لو يحذفونه بالجزم الله يكرمكم لحد مايطيح ويفتحون ولو خبيته عنهم يقلبون البيت فوق تحت وضيعوه مرتين وكسرنا الباب
الحين مشكلتي مع هذا الولد
انا ما ادري كيف اتصرف اعلم زوجي او اسكت
واخاف يعيدها وهو من السنه اللي فاتت يوم العيد الصباح دخل عندي البيت وانا البس اولادي ابوهم كان مسافر تغطيت عنه وطلع جاء يسألني ولدي بيروح معاهم لصلاة العيد .كلمت زوجي ولا اهتم يقول مايقصد يمكن كان مستعجل وجلس يبرر له