انا في همممم و كربه ،، اقرؤ قصتي وساعدوني

الَسلآمْ عَليٓڪّمْ
يا بنات بدخل في الموضوع على طول
انا متزوجة من ١٢ سنه وعندي ٤ بنات ربي يحفظهم ويقر عيني فيهم
زوجي انسان تصرفاته غريبه عجيبه وكلامه اغرب من العجاب
الصراحه انا ماكنت فاهمه شيء ولا كان عندي القدرة على التواصل معاه بشكل طبيعي
كنت اظن ان الحاله اللي هو فيها بسبب سحر التفرقه اللي بيننا ،،
اخر سنه لي معاه حسيت انه بدء يبتعد عني اكثر حسيت انه يبي يطلقني
وفعلاً تركني ببيت اهلي ٦ اشهر وبصدفه توني اكتشفت انه طلقني من ٤ اشهررر راح المحكمه وطلقني هناك طلاق مافيه رجعه فهمتووو
اللي صدمني اكثررر انه كلم ابوي وقاله انه شافني انا وابوي وامي . يوم راح المحكمه يطلق ويسال ابوي وهو متعجب منه ايش كنتم تسوون هناك ؟؟ الغريبه ان المحكمه ما اعرف طريقها ولا اهلي يعرفونها عمرنا ما دخلناها


واللي صددددمني اكثررر انه يقول سبب طلاقه لي جاه امر ملكي من الملك سلمان يطلقني حتى ينفك السحر


انا هنا والله العظيم من قوووة الصدمة قعدت اضحك وكأني لقيت السبب اللي خلاه في هالوضع عرفت انه مو طبيعي وانه انسان مريض
لما سالت اكثررر عن حالته و سالت دكاتره كثيررر نفسانين وبحثت في مواقع طبيه لقيت انه تنطبق عليه بالحرف الواحد مرض الفصام


وصار عندي شك اقرب لليقين انه مازلت على ذمته شرعاً و مايجوز لي اتزوج غيره


حاولت اكلم مفتي واساله لاكن كلللل الارقام محد يرد عليها


واكثر ر مواقع الافتاء مثل موقع ابن باز و المنجد يقولون في فتاوي مشابه لحالتي انه طلاق في اغلاق ولا يقع


وانا الصراحه عايشه موجة من الصدمات صدمة طلاقي و صدمة مرضه اللي توني اكتشفه و صدمه انه ممكن اني لسه على ذمته


كلمت ابوه و امه ( عمي و عمتي ) وشرحت لهم كل شي ،، وعارفين بكلامه الغريب والاوهام اللي هم عايشين فيه بس يقولون لي انه بخير ومافيه الا العافيه
مادري جهل منهم او خايفين عليه ينقال عنه مريض نفسي او مادري بضبط كيف تفكيرهم ماقدرت افهمهم !!!


مع العلم ان اهل زوجي ناس جداً طيبين وينحطون على الجرح يبرى واعزهم واغليهم مثل امي وابوي


ساعدوني بالله احس اني في دوامه ماني عارفه افكررر صح