انا في همّ ...ساعدوني ولو بدعوه😿😿
السلام عليكم ياجميلات عالم حواء انا قررت اكتب لكم اليوم قصتي ابي افضفض واشوف ارائكم هل انا اللي سويته صح ولا خطأ ؟انا تزوجت وعمري 27 وزوجي 34 ولي سبع سنوات متزوجه بداية زواجي كانت حياتي سعيده .....بعد سبع شهور من الزواج حملت وبدت المشاكل طلب زوجي مني اشتري له سياره ويبيني اصرف على البيت بس انا ماكان عندي مشكله بعد سنتين صار زوجي يشك فيني مع اني والله ماطلع ابد الإ معاه ولا اروح لأحد حتى الجيران وجوالي دايم بيده وصار يحذف علي كلام اني مو شريفه ولي علاقات وربي يشهد علي اني متربيه ومن عائله محافظه جداً طبعا وانا اموت من كلامه والله اصعب شيء على البنت تتهم بشرفها ظلم زاد معه الموضوع لدرجه اذا دخل البيت يفتش على اساس انا مخبيه رجال ويقول من جاك واقول ماأحد ثم يروح يسأل الشغاله ويسأل ولدي ويقولوا ماأحد جانا وويفتش جوالي ويقول اخذيه حركاتك كلها من تحت لتحت وقلبك اسود ونيتك مو نظيفه وانا اتألم ليش يقولي كذا انا ماسويت شي بالعكس اطيعه بكل شيء واراعي الله فيه والله كنت مارضى انه يزعل علي ومستحيل اشوفه ضايق صدره واسكت اسولف معه لحد مايضحك بس مابين بعينه واجري على الله آخر مره رحت لسوق معاه وكان يروح لوحده وانا اخذ اغراض لعيالي بعدها طلعنا وقال انا شفتك وانتي تلحقين الرجال انفجرت وقلت انت مريض ورح تعالج وقلت انا بكلم اهلي خلاص ماراح اسكت حاول يهديني ويراضيني بالكلام الحلو وطلعني نتمشى وانا اتألم وماحد داري عني هو من يوم تزوجته قالي عن علاقاته مع بنات وشفت بجواله رسايل مع بنات وصور لهن وصار يطلب مني وقت الجماع (اسفه على جرأتي) احكي له عن علاقتي برجل وكيف صارت واقوله حرام ويقول بس تخيلي علشان ...... وانا ارفض كلامه ومره بالدوام وحده قالت لي جوالك يجني منه ازعاج بالليل عرفت انه هو يعاكسه انا طفشت من وضعي ولحد متى بسكت وناديت ابوي وقلت له كل شي وابوي استغرب كيف يشك فيك وهو دايم عندك ويحبك (هو صح يحبني ويوديني اي مكان ابيه بس بمزاجه ) ابوي حاول يتفاهم وهو قال خلاص بطلقها اخذ بنتك وانا بستر اللي عندي وانتم استروا اللي عندكم انا انهبلت وش اللي بيستره حسبي الله ونعم الوكيل وجاء عندي وقال روحي قولي لابوك انا ابيه وتكلمي معه قلت لا ان قلت بطلق قال لا بس انا خفت من ابوك رحت عند اهلي وبعد شهر قالت خالتي ان جاء رجال عند زوجها وقال انه زوجي تزوج علي وانه مبصوط وخالتي استغربت لانها ماتعرف اني عند اهلي وقصد زوجي يوم ارسل الرجال علشان يوصلني الخبر واليوم مرت ثمان شهور وانا عند اهلي ويقول ابوها ماراح اجيه لو تقعد سنين وراح اشتكى ابوي بالمحكمه يبيه يرجعني مثل ماخذني وبكره الجلسه وانا مقهوره وخايفه على عيالي عندي بنت وولد ومجروحه منه اذا مايبيني ليش مايريحني ويطلقني والله اني في هم كبير وكل يوم ابكي على حالي انا ماقصرت معه وساعدته باشياء كثير ويسوي فيني كذا معليش يابنات كلامي مو مرتب بس من القهر والتعب اللي في قلبي الله يفرج همي وهمومكم......
54
7K
يلزم عليك تسجيل الدخول أولًا لكتابة تعليق.
الصفحة الأخيرة
شخص قذفني بشرفي لو يحب السماء مارجعت له
انتي روحي جلسة المحكمة بكره وشوفي الوضع و لاتسكتين عن حقك ابدا القذف مو سهل ابدا
اسال الله لك الخير