اصداف بحريه كلمينا شوي عن تجربتك
وعن المشاكل اللي واجهتيها
وكيف تغلبتي عليها

غاليتي طول الإنتظار وكثرة التفكير سببت لي نوع

من التوتر النفسي ماحسيت طعم لرمضان .. أبغى أبكي

ماأقدر .. أحس بضيقة بصدري وكتمة أحس إني بموووووت.. تعبت نفسيا جدا ..

تعبت نفسية عيالي من تعبي .. ماني عارفة وين بتنفيني وزارة التعليم

خصوصا ان منطقة عسير منطقة مرتفعات وأنا أخاف جدا منها ..

حتى الآن تجيني الضيقة من فترة لفترة ..ماتخف إلا بأدائي للصلاة بوقتها ..

وقراءة القرءان والمحافظة على الأدكار ..

وسبحان الله قرأت عن أحد الصحابة حديث ماأحفظه لكن مفاده ان الذاكرين لله

يعطيهم الله أكثر ممايعطي من يلحون بالطلب في الدعاء ..

قال تعالى (ألا بذكر الله تطمئن القلوب )

أكثري من قراءة القرآن والذكر لله بتحسين بضيقة بالبداية لأن الشيطان يبغاك تملين

لكن مع الإستمرار ترتاحين إن شاء الله ..

دعواتك لي .. ويارب يسهل لك أمورك لكل مافيه خير دنيا وآخرة ..

اعطيك مثال لنفسي رغم فرحتي بالوظيفه الا اني جلست في مشاكل الله يعلم فيها وهم وغم لحد قبل المباشره بيوم وخذي قصتي علها تفيدك اولا زوجي مرتبط بدوره عسكريه والغياب يؤثر على درجاته ويعرضه للسجن العسكري بالاضافه الى عدم رضاه اصلا وموافقته على ذهابي للمنطقه الي عينت فيها ثانيا ولدي الكبير مسجل بالثانويه الصناعيه ورافض فكرة انه يترك جده وعندي بنتي باولى متوسط وولدي ب2 ابتدائي تخيلي وصلت لدرجه انه ممكن ننفصل لاني انا متمسكه بقراري وهومتمسك برفضه وجاء وقت المطابقه ولازم اروح رحت انا وولدي يوم وقضيت شغلي ورجعت وتخيلي كيف ربي سهلها لي من يوم مانزلت من الطياره واخذت الشنطه وقف لنا واحد على اساس يوصلنا وقلت له ابي ادارة التربيه وقعد ينتظرني برى وبعدين قمنا نلفلف ندور على فندق لحد ماسكنت بالفندق وكل هذا كان يقول اللي تعطيني انتي انا برضى فيه يعني ماتشرط ابد واكرمته والحمد لله خلصت شغلي ورجعت اليوم الثاني وكان يعرف ناس بالمطار لانه ماكنت حاجزه والحجز فل والحمد لله طلعت على الطياره ورجعت لبيتي اخذت ملف بنتي من مدرستها وولدي راح اخوه اخذ الملف وكل هذا وزوجي لاوي بوزه علي والله اني كنت اعامله مثل الاطفال بس عشان اروح وهو راضي ولقيت حجز لنفسي وكنت احجز عن طريق موقع الخطوط بس مالقيت حجز لاولادي ولمن لقيت حجز لبنتي لقيته على درجه غير درجتي وبقي ولدي الصغير مالقيت له حجز ورحنا المطار وقبل ماتفتح الطياره بربع ساعه لقينا له مقعد وتخيلي اركب الطياره ويصير المقعد الي جمبي قاضي واللي على يميني الجهه الثانيه فاضي المهم رحت لمنطقتي الي تعينت فيها وكان معي الرجل اللي اول مره جابني ودورت على شقه نظيفه وطبعا اكثر من ساعتين وحنا ندور والحمد لله وجاء يوم المباشره شلت اولادي ورحت للمدرسه ويوم قلت لها اسمي قالت اسمك مو عندنا! وقالت هاتي خطاب التوجيه شافته المديره قالت خلاص دام اسم مدرستنا يعني عندنا وسجلت بنتي بنفس المدرسه وبقي ولدي لقيت مدرسه بنفس طريقي الي اروح فيه يوميا لكن قالوا مكتفين بس بيخلونه احتياط واليوم دق المدير علي وقال جيبوا الطالب حياه الله في مدرستنا واليوم وبعد مرور 3 ايام تخيلي لو اقولك كيف زوجي يكلمني الي كان مايطيق يطل في وجهي ويبغى اي شي عشان يتضارب او يتهاوش معي والله انه يتكلم معي باسلوب طيب وحس بفقداني على قولة الكويتين يادهينه لاتنكتين وكل شوي يسئلني اذا محتاجه شي او ناقصني شي ورغم انه كان يقول لاتتوقعين اني اكلمك او اجي عندكم لو رحتي الان يستنى اجازته اللي هي يوم في الشهر مع الخميس والجمعه عشان يجينا كنت اقوله ربي مايكتب على الانسان الشر وانا كنت ادعي واقول لوفي هالوظيفه يار ب شر لي ابعدها عني وارزقني خيرا منها لدرجة كنت اقوله انا بس اباشر واقدم ندب او نقل او اجازه وبيني وبينك الوظيفه حلوه ومريحه وقدني بديت فيها فصعب اني اتنازل عنها بسهوله هذي قصتي حبيت اكتبها لك ولكل وحده عندها تردد او خوف انها تتوكل على الله ومن توكل على الله فهو حسبه وبكرا لمن تشيلين نفسك وتخففين عليه المصاريف راح يحب الوظيفه ويفرح بانك ماتخليتي عنها

الله يسر امرك توكلي على الله وخلي عيالك معك عادي اخدي سكن مع الوقت بتعودين

الله يفرج همومكم
بثيتوا في نفسي الامل