انا في هم مايعلم فيه غير ربي 😔

السلام عليكم حبايبي
ان شاءالله كلكم تكونو بصحه وعافيه
ترددت كثير اني اطرح مشكلتي بس قررت لعل القى منكم كلام يريحني
انا عمري 29وعندي ولدين تمام
صارلي متزوجه 10سنوات مشكلتي يمكن تكون تافهه عند البعض بس انا مدري وش جاني وربي ماكنت كذا مدري وش صار فيني فجاه قبل 4شهور كنت انا وزوجي في البحرين نتمشى بمجمع ومبسوطين قمت اطالع في الناس انا لوحيده اللي لابسة عباءة راس حز بنفسي ليش انا دون الناس ذي كلها وش فيها لو لبست عباءه مثلهم ومن حزتها ليومكم ذا وانا في صراع نفسي قبل فتره قررت اتكلم مع زوجي ونتفاهم بكل هدوء رفضها بشكل قاطع وقال لي لاتفتحين ذي السالفه مره ثانيه قلت له بلبسها قدامك واذا ماعجبتك ماراح البسها قالي اصلا مابي اشوفها انا مستعد اعطيك اللي تبينه بس الكتف مااتلبسينها قلت له بلبسها واسعه وسودا وماراح يبين مني اي شي حاولت وياه يمين يسار قلت له ع الاقل البسها بس اذا سافرنا ابد قالي من الاخير اذا بتلبسينها روحي لاهلك هو بصراحه ماانكر الحمد لله يحبني جدا ويغار مرررره وعمره ماقصر علي بشي مع ان اهلي واهله كلهم يلبسون الكتف احسني شاذه بينهم واقعد اقارن نفسي بالناس وصرنا كل مانطلع طلعه ابدا ماانبسط اطالع في الرايح والجاي ذي لابسه وذي مولابسه صارت حياتي نكد في نكد وصرت اشيل هم الطلعه وابي اجلس في لبيت طول الوقت مع اني والله العضيم قبل ماكنت كذه بالعكس كنت قنوعه بحجابي ومفتخره فيه
والله انها ضايقه فيني يابنات 🥺😔