انا في ورطة,,,,,, اسعفوني

سلالالالالام لكل بنات حواء الطيبات
يابنات انا في ورطة ( والمشكلة انه مالي دخل بها من قريب ولامن بعيد)
السالفة ياطويلات العمر انه زوجي له اخو اكبر منه (فوق الاربعين) متزوج له 19سنة وماعنده اولاد لأن زوجته (عقيم) وسبب عدم الانجاب معروف عند الجميع انه منها,, ومع ذلك زوجها راضي بقدر الله وقانع بنصيبه وحاولت امه وابوه انهم يقنعوه بالزواج مرة ثانيه مادام العيب ماهو منه , لكنه رافض يتزوج على زوجته طوال هالمدة ,, وماتوا أمه وابوه وهم ماشافوا ذريته,, بس (زوجي)الله يهديه ماخلى اخوه بحاله ,,بس يزن عليه كل ماشافه :يااخوي تزوج وجب لك عيال يصيرون لك سند اذا كبرت ,,واخوه رافض,,
وكان زوجي يشير عليه انه يتزوج ويخفي عن زوجته اذا كان يحبها لهاالدرجة ومايبغى يكدرها,, او انه يعلمها ان زواجه للمرة الثانيه علشان العيال وان محبته لها ماراح تتغير وانه لولا هالظروف ماكان فكر بالزواج,, بس اخوه رافض فكرة انه يكلمها او يتزوج عليها بالخفاء,, وهكذا مرت السنين ,, وزوجي كل سنة تزيد رحمته وشفقته على اخوه ويتمنى يشوف له عيال ,,خاصة وان كل خواته واخوانه اللي اصغر منه تزوجوا وخلفوا,,وهو على حاله ؟؟
المهم:مادريت الا قبل يومين لما قال لي زوجي (وهو مبسوط) ان اخوه بينفصل عن زوجته لأنه اخيرا اقتنع انه يتلاحق على مابقى من عمره ويلحق يجيب عيال ,وانه لما قال لزوجته انه بيتزوج طلبت منه (الطلاق)؟؟
وهالحين ابتدت ورطتي:
انا لاناقة لي ولاجمل بكل هالسالفه ,, ولالي دخل بزواج اخو زوجي او عدمه,,
لكني تفاجأت امس بمكالمة من (زوجة الاخو) لي تهددني وتتوعدني انها تخرب بيتي مثل ماخربت بيتها وانه ماراح يهدأ لها بال الا لما تفرقني عن زوجي,, وحلفت لها واقسمت انه مالي دخل بالسالفه واني والله دايما اقول لزوجي (اتركهم في حالهم .. اخوك ماهو صغير يعرف مصلحته وين) بس ماصدقتني وماعطتني فرصة اتفاهم معاها ., وتزيد وتعيد انها ماراح تخليني في حالي,,وقعدت تدعي علي وعلى زوجي وعيالي ,, واتهمتني اني انا اللي احرض زوجي حتى يقول لأخوه تزوج؟؟؟؟؟؟؟؟؟
قلت لزوجي اللي قالته لي بالتلفون.. قال: اتركيها خليها تقول اللي تبغى,, هذا اخوي وانا ادور مصلحته,, الى متى وهي بتحرمه من العيال؟؟ وبعدين هو بيتزوج عليها علشان العيال بس هي اللي راكبة راسها وتبغى الطلاق؟؟؟؟؟؟؟؟؟؟
وش رايكم ؟؟ انا خايفة من تهديداتها وتوعدها لي ؟؟ لو تسمعونها وهي تتكلم كان تخاااااافون مثلي؟؟
انا خايفة تسوي لي مشكلة او تورطني بشيء حتى اتطلق من زوجي؟؟