انا في ورطة كبيرة كبيرة كبيرة

الموضوع انه في اخر 2013 .. في بنت توظفت عند زوجي الله يحرقها ويحرق قلبها وكانت طول الوقت تجيه بالمكتب وتتميع قدامه وتفتح العباية وقالتلي السكرتيرة الي كانت هناك ان البنت هذي تقول محطيته في راسي ونفسي فيه وراح اجيب راسه.. وسمعتها كانت سيئة مرة وكانت حسب كلامهم تروح مع الموزظفين على بيوتهم استغفر الله كدا يقولوا وكنت شاكة في زوجي اياميها وكان مرررة معطيها وجه والمصيبة زوجي مدير ومسؤول كان الموظفين يستغربوا تعامله معاها كان يقلهم هذي قريبتي عشان يقطع عليهم الشكوك في تعامله المميز معاها... المهم ماكنت مرتاحتلها واكتشفت انه يعرفها تعرف عليها في مطار في اوروبا ولقيت في جواله صورها عريانه كانت ترسله صور عريااااااانه وتقله روح الحمام وانا اريحك وهو يرووووح في حمام المكتب :( حسبي الله فيها ونعم الوكيل .. بعدين وظفها زوجي جلست عنده اسبوعين طبعا انا ما قلت لزوجي ايش شفت فالجوال وسويت اني موعارفه بعدين جبت شريحة وكنت ارسل على جوالي امثل قدامه كانه في واحد يرسلي كلام جنسي وانه نفسي فيكي خليني اريحك زوجك يلعب برا مع الحريم وانتي ماتستاهليه خليني انا اريحك وابسطك ايش رايك ارسلك صوري وانا لابس شورت" قلت في قلبي خليه يحس ان الي يسويه مع الحريم ممكن يصير فيه... قام انفجع وفعلا السكيرتيرة كانت تقلي قلب عليها وصار يخرجها من المكتب وبعدها كمان باسبوعين طردها من العمل قلها صاحب الشركة مايبغاكي حتى السكيرتيرة قالتلي لما راحت تلم اغراضها قالت انا عارفه انه ه الي خرجني لكن والله يدفع الثمن وبعدها بيومين انسرق كمبيوتره من الشركة وكل الموظفين قالوا هي وهو خاف يتهمها قدام الشرطة يمكن عشان ماتفضح علاقتهم... المهم وفكرت اني خلصت منها طلعت كل فترة ترسله رسايل ويقول هو انه ماكان يرد عليها وقبل 3 شهور زوجي صار عنده شركه حقه وبنت الحرام رجعت ترسله وتقله ابغى استشيرك انا خلاص تزوجت بس في امر مهم ولما رد عليها صارت تتكلم وتقله ليش ماتشغلني معاك عن بعد محتاجه فلوس قلها طيب وخلى السكرتير يتواصل معاها صارت كل شويه تتصل عليه تقله فلان مايرد وتحاول تفتح مواضيع وترسل رسايل واتساب وصورها بقميص النوم وصورها عريانه في المرايه من قدام وورا :( المهم زوجي عنده زوجه ثانيه وسافرت عند اهلها من فترة قام الشيطان لعب في راسه يجيبها البيت بعد ماجننته بالصور .. وانا كنت محطيه في جواله تسجيل بدون مايدري اصلا مايعرف اني اعرف الالرقام السريه حقه ... وقبل اسبوعين ضرتي مسافرة بس اولادها بالبيت يعني يقسم الايام يوم عندي ويوم هناك المهم جا من العمل قلتله ابغى الصالون قلي مايتاجل قلتله لا ورحت وقصيت ونظفت وتوبطت ورجعت لقيته دخل الحمام يحلق و xxxx فرحت فكرت انه عشاني xxxxxxx لانه حلق قدامي شكله نام معايا بس عشان ما اشك المهم قلتله الصباح نودي بنتي المدرسة وعندي موعد اسنان الصباح عندي سحب عصب قلي ما اقدر بودي البنت وعندي اجتمااااع قلتله يالمني ما اقدر قلي وانا ما اقدر وتنرفز انا استغربت مرررة بصراحه خصوصا انه كان في ذيك الفترة فتووووور في علاقتنا لاني سمعتله مكالمه ضرتي كانت زعلانه وجلس يغلط عليا عشان يرضيها من بعدها كنت مو طايقته بس احاول اكون معاه عادي ومو مقصرة في واجباتي بس طبيعتي معاه كانت تدليع وغزل طوووول اليوم بس كانت فترة اسبوعين الي فيها الفتور المهم انا ليلتها استغربت خليته ينام وفتحت الجوال شفت اخر مكالمه قبل يدخل البيت لقيت رقم غريب فتحته لقيتها وحده دورت على رقمها في النمبر بوك طلعت الموظفة الي كانت عنده في 2013 انا بصراحه ركبي انت تدق في بعض من الصدمه مو قادرة اوقف وطلع متفق معاها يشوفها الصباح في بيته الثاني !!!!!! يعني حلق و xxx ولغى موعد اسناني عشان يروح يرتكب فاحشه.. المهم لقيت زوجي ذاااايب في المكال وقبلها بكم يوم يقلها نفسي في مساج ونفسي في مدري ايه يلمحلها انه يبغى فيديو وهي تستهبل وتقله عندي الدورة خلينا نطلع التحليه يقلها ما تبغي تجيني عالبيت تقله كيف اجي وعندي الدورة وحالتي حاله ااااه بس حسبي الله ونعم الوكيل سايبني جايتله من صالون ماينقصني شي ورايح لبنت الحرام وي دورة وقررررف ... المهم كلامي مخربط سامحوني المهم شكلهم اتفقوا قبلها بكم يوم بس كانت الوسخه مستنيه الدورة تخلص او تقرب تخلص واتفقوا عاليوم الي حلق قبله بليلة .. انا سمعت المكالمه وحفظت تسجيل المكالمات الي بينهم عندي كانت في بس 3 الباقي كان يمسح اول باووول ... رحت صحيته ورميتله الجوال وقلتله تخوني مع ايمان ف قام نط من السرير يقلي كيف فتحتي الجوال .. قلتله هذا مو موضوعنا وجلست اسب والعن والله ماسبت كلمه الا قلتها وهو يقول الحمدلله ربنا يحبني والله ربنا ما يبغاني اسوي حرام هذا اول لقاء في خلوة كان بيصير بيننا وهي زوجها في المدينة ونزلت بس عند اهلها قلت استغل الموضوع بعد ماجريت ورايا زي الشيطانه ورسلت صور خلاص جا فراسي اجربها بس والله ربنا كشفني عشان مايصير الحرام قلتله دق عليها قلها تنقلع من حياتك قلي لما يصير صبح دحين اهلها يشكوا لسه خايف عليها كمان المهم لما صار الموعد المشؤوم 8 الصباح دق عليها وقلها خلاص ابعدي عني اختفي من حياتي تقله ليش ايش في يقلها خلاص ربنا اعطاني اشارة انا كنت بسوي حرام وربنا انقذني تقله طيب ايش صار لازم افهم يقلها خلاص روحي فحالك انتي متزوجه الله يوفقك وانا ربنا انعم عليا بزوجتين واولاد كل واحد يروح في حاله وهذي مصصمه طيب قلي طيب حرمتك عرفت وهو يقلها خلاااااص عرفت ولا ماعرفت المهم حرام ووقفناه قالتله طيب والشغل قلها خلصي التصاميم الي عنده وسلميها السكرتير وبسسس قالتله ماني مخلصتها سويها انت قالطيب وقفلت .. بعدها شديت انا وياهيبغى جوالي عشان يمسح التسجيلات مارضيت وقام مسكني في دقني زي الي يبغى يضرب قمت ضربت يده ودفيته اظافري خرمشته في رقبته قام مد يده عليا وضرب ضرب وقلي لو تصرفتي حتشوفي ايام سودا قلتله والله لتنفضح سترت عليك اول مرة ورجعت على العن واخس وصرت تقابل في بيوتكوالله لافضحك قلي خلاص بالمسا اجي ونتفاهم وخرج بدون مايعتذر انا بصراااااحه كنت حمووووت من القهر قمت رسلت لضرتي مع انه مابيننا اتصالات ابدا لكن قلت تعرف فضايحه بيجيب وحده بيتها وبدل ماجالسه تراقبني وتحاسب فيه على الحلال تروح تراقبه في الحرام المهم واتصلت على ام زوجي الي هي ضرتي تقربلهم وقلتلها وكنت ابكي وقلتها يطلقني ما ابغاه بس انتو حريم وعارفين ن الوحده تقول كدا بس اكيد ماتقصد في وقت غضب لكن هذي الحرمه اشتكيها لرب العالمين فكرتها زي امي طلعت عقربه المهم جبت رقم ابوالبنت من النمبر بوك وقلتله على فضايج بنته ورسلتله المكالمه ... وبنت الحرام اتصلت على زوجي تقله ابوي بالمستشفى خد الجوال من حرمتك قلها انا اتصرف وجلس يتصل يترجاااااني قلتله الصباح كنت تضربني دحين تترجاني عشان بنت الحرام تبغى تطلع قدامها رجال قلي تنقلع بس لاتفضحيني ابوها ماحيسكت وانا ماسح كل صورها ماحقدر امسك عليها شي والمكالمه الاخيره انا كنت احاول معاها مع انه طووول الفترات الماضيه هي الي تجري ورايا بس عشان قررت اشوفها في مكان لوحدنا صرت معطيها وجه وحروح في داهيه وانا اسبه وقفل واتصلت هي تترجاني الله يخليكي سيبيني في حالي سبيتها وقفلت ورسلت لابوها المكالمه بعد كدا ابوها قلي ايش الحل قلتله انا كلمت شيخ الهيئة يجيبهم يتعهدوا ما يعيدوها بشكل ودي من عنده بدون ما يدخل اجراءات الهيئه قلي انا اقدر اروح الادعاء العام واقول غرر في بنتي قلتله صور بنتك الفاضحه والعريانه موجودة ماقلتله ان زوجي مسحها قام يقول انا ما ابغى اضرك وهو خايف على بنته مو عليا ...شدت الامور بيني وبين زوجي وهو كمن يومتها ماخليته يدخل البيت عندي قلتله لسه ماشفت شي برسل المكالمه للموظفين ولاولادك خلي كل الناس تعرف حقيقتك طلقني احسنلك انا ماتوقعت يطلق لانه يحبني مررررة وصارت مواقف كثير تثبت انه مستحيل يفرط فيا قام قلي انتي طالق نزلت عليا الكلمة حسيتها قسمتني نصين .. قلتله شكرا روح جيب الصك قلي طيب لانها كانت الطلقة الثالثه .. راح المحكمه اليوم التاني وانا انصدمت انه سريع كدا واتصل قلي القاضي ماحسب ولا طلقه يقول كلها طلاق بدعي .. انا طبعا كنت اكابر وقلتله ليش مايحسبها قلي بكرة انا وياكي نرحله .. ورحنا المحكمه انا واولادي الصغار :( اولادي يقولولي اش هذا المكان ياماما تبغي تشتريلنا هديه :( وانا اقول بقلبي الهديه عند ابوكم .. دخلنا القاضي ويقله خلاص ابغى اطلق قله متاكد قله ايوا قلي ايش في يافلانه قلت لزوجي اخرج وخد الاولاد مابغاهم يسمعوا واول ماخرج بكيت من قلبي وقلت للقاضي انا ما ابغى اتطلق عشان اولادي انا ابغاه بس ينقرص قلي خلاص انا حقول احولكم عالمفتي في دار الافتاء عشان يصير في وقت للتفاهم وحولنا .. المفتي قال مافي طلاق .. وبنتي الصغيره 5 سنوات كل شويه تبكي تقلي ياماما انتو ليش زعلانين ليش بابا في حرمه تانيه شكلها سمعتنا وحنا نصرخ وصارت تعملها على نفسها لما تلعب ونفسيتها سيئة جدااا قلت اتنازل عشان اولادي جلس يرسلي ما اشتقيلي ايش رايك اجي قلتله بتجي عشان اولادك تعال لكن انا انسااااني ..وجا دخل عند الاولاد قلتله حط جوالك برا محد حيسرقه قام حطه عند المدخل وانا اول مادخل افتح الجوال ادور الاقي امه الي كنت اشتكيلها تقله طلقها اعطيها ورقتها وفلانه قصدها على ضرتي مصممه تتطلق بس اذا عرفت انك طلقت هذي مكن تستمر ... انا بصراحه لما شفت كذا قلت والله لاجلس عننااااااد فيهم المهم هو بيت عندي هذاك اليوم ودق على اولاده قلهم مو جاي وامهم مسافرة عند ام زوجي قامت قيامتهم وصارت امه تتصل تتصل فوق 30 مرررررةقلتله بسم الله ايش فيها امك يمكن بتباركلنا لاني رسلتلها رساله قلتلها ابشرك رجعت لزوجي والله يديم محبتنا ووجهه متغير رد عليها قامت تكلمه واضح انها تقله كيف ترجع يقلها المفتي قالمافي طلاق تقله مو مقتنعه يقلها يا امي هو قال كدا شكلها تقله وماحتحاسبها ولا تعاقبها على المكالمات الي رسلتها اسمعه يقلها لازم عقاب يا امي مايمر الموضوع كدا ابدااااا وانا اغلي من جووووه كنا ساعتها فالمول ودينا الاولاد يلعبوا لما رجعنا قلي حسب كلامه الحكايه كامله قلي انه شافها في اوروبا وجلست ترسله صورها وكانوا يعملوا اشياء غلط بالفيديو ووظفها ومرة فالمكتب باسها وحضنها ولما حس انه في واحد ياذيني خاف وطردها ورجعتله قبل 3 شهور يقول صار بالفيديو في ال3 شهور مرة وخرجنا مطعم مرة وكنت ناوي انام معاها لاول مرة يوم ما انفضحت انا قلتله المكالمات الي سمعتها انت تجري وراها جلس يحلف يقول لانه وقعتني اصلا هي قالتلي هذا الاسبوع دبر نفسك حشوفك في مكان لوحدنا يعني حشوفك وحجننك وماحتقدر تقاومني قال حطيت في راسي اجربها وقال احلف بكدا فالحرم قلتله دق على ابوا وقله دق على ابوها قله ما ابغى اسمع منك شي انا بقدم فيك دعوى انك تسجل مكالمات وتغرر فالبنات قله والله ماصار شي بيني وبين بنتك قله مافي تفاهم زوجتك تقول بنتي سيئة السمعه قله زوجتي تهورت انا طار عقلي بعد ماقفل قلتله انت تلعب عليا ليه ما قلتله بنتك الي جريت ورسلت قلي ما اقدر لو قلي احكيلي بهدوء احكيله لكن هذا يقلي ادعاء عام واشتكي كيف اقله بنتك سوت وعملت بيقلي وين الدليل ويعتبروه قذف لكن اذا كم جد وداني الادعاء العام بقول كل الي عندي هم يقدروا يتاكدوا بطريقتهم.. فضل قلبي يتوجس مو عارفه اصدقه اولا يقلي لو انا اكذي ليش اقلك صار بالفيديو قلتله عشان الفيديو اهون فتبغى تقنعني انه بس فيديو وهو الله العالم ايش .. المهم تاني يوم ضرتي رجعت وراح استقبلها بالمطار وبات عندها جاني عقله مغسوووووول تخيلوا اهله سابوا الحرااااااام ومسكوا فيا طول الوقت ماعنده غير اسطوانه انا ليا حق عندك وحتتعاقبي والله لاوريكي بهدلتيني وفضحتيني وورطتيني مع الرجال قلتله اذا ماسويت كدا حترجعوا لبعض زي مارجعتوا دحين لازم مصيبه تسير عشان تعرف حدودك المهم علاقتي فيه صارت زففففت بسبب اهله واشوف اخواته كاتبينله في الواتس ايش هذي الحرمه معقول في وحده توصل لحد كدا وامه تقله وحده ما تستر زوجها مانبغاها وهو كمان كل شويه يعيد العبارة دي احنا واحنا قلتلها انتوا تربيتوا الحرام عادي تعتبروه نزوه والحلال هو الحرام وانك تطلقني اهلك شايفين هذا الحلال اللهم ارنا الحق حقا اهلك مايخافوا الله وانت تسمع كلامهم انت حر قلي لو امي قالتلي طلقها ولا اغضب عليك بطلقك قلتله توكي تحملها انت وامك عند رب العالمين ... قلي ارسلي رساله لامي وضرتك قوليلهم انه انا مانمت معاها واناها كانت تجري ورايا قوليلهم السكرتيرة اش قالت عشان زي ماسودتي وجهي بيضيه قلتله عادي طيب بس امك من وقت ما طلقتني هذيك المرة حتى السلام ماترده قلي معليش قلتله طيب ورسلت لامه وضرتي كانت حاظرتني قمت ارسلتلها على اللاين قام ابوها دق على زوجي يقله خلي حرمتك تحل عن بنتي دق زوجي يخاصم قلتله انت قلت ايش ابغابها ارسلها انا تنازلت عشانك هذي اخرتها قلي انا قلت ارسلي واتس حاظرتك خلاص بلاش قلتله لا انت قلت زي ماسودتي وجهي شوفيلك اي طريقه بيضي وجهك هذي اخرتها قلي سيبيها وسيبي اهلي وخليكي فحالك قلتلها دحين بسويلهم بلوك وديليت قال لا بلوك لا خلي شعرة معاوية قمت مسحت ارقامهم كلهم ... دحين انا محتاجة منكم اول شي الدعاء لياتاني شي هل انا غلطت فعلا ثالث شي هل المفروض اتجاوز عنه واسامحه لانه هذي الايام نزل 6 كيلو من كثر ماهو شايل هم ابوها يفضحه رابع شي انصحوني حاسه نفسي مشتته وتايهه ومكسوفة استشير الي اعرفهم