وانا بعد عندي نفسه اول مره اشتريه ، بصراحه ما حصلت السميد اللي اعرفه واظطريت اخذه
بس زين اني شفت موضوعك الله يجزاك خير و يوفقك
و الف شكر لكل اللي ردوا
سؤال .. يعني انتي جربتيه للبسبوسه او ﻻ وكيف طلع ..

مع المعمول ممتاز

انا جربت سويت نفس مكونات البسبوسه بالسميد الناعم واضفت لها ملعقتين كبار كاكاو بودره ولما طلعتها من الفرن شربتها شوي شيره خفيفه عشان احافظ على طراوتها ثم صبيت فوقها حليب مكثف محلى ولما بردت قطعتها مربعات صغيره وطلعت تجنن والضيوف اللي ذاقوها سألوني عن طريقتها .

والسميد الناعم تقدرين تسوين فيه معمول بالتمر وفي وصفات كثير لطرق المعمول وهذي وصفه بسيطه

4 كاسات سميد ناعم

نص كاس طحين ابيض

نص كاس سكر ناعم

رشة ملح

قليل حليب سائل حوالي فنجان او فنجانين حسب الحاجه

2 كاس سمن ذايب او نصف الكميه زيت والنصف الثاني سمنه .. ما انصح تحطين الكميه كامله ولا انصح تتقيدين بالمقادير بالضبط .

افركي السميد بالسمن والزيت بدون عجن وغطيه ببلاستيك واتركيه من الليل الى الصباح عشان يتشرب كويس

ثم اضيفي له الطحين والسكر والملح واخلطيهم مع بعض واضيفي الحليب الى ان تتشكل عندك عجينه

ثم احشيها بالتمر او المكسرات واخبزيها بالفرن .


----
في حلا اسمه ليالي لبنان

5 كاسات حليب سائل او مويه مذوب فيها حليب بودره

1 كاس سميد ناعم

نص كاس سكر او حسب الذوق

ملعقه ماء زهر او قليل مستكه حسب الذوق

حركيهم ثم على نار متوسطه استمري بالتحريك الى ان يثخن

صبيه في صينيه بايركس متوسطه او في زبديات صغيره ثم فستق مطحون وصبي فوقه شيره

او اعملي له قاعده او طبقه في قاع الصينيه او الزبديه مكونه من توست محمص ومطحون وشربيه سكر مكرمل ومخفف بمويه على النار الى ان يذوب عشان تاخذين طعم الكرمله ثم اعجني فيه التوست المطحون ورصيه كقاعده او طبقه اولى قبل تصبين الخليط اللي سويتيه بالسميد .



----
وكذلك ممكن تسوين كيك بالسميد الناعم لكن اخلطي معه شوي طحين ابيض

وحتى المعجنات والمخبوزات تقدرين تخلطين السميد بالطحين

ماعرف