انا في وضع محرج جدا ومحتاجة رايكم بسرعه

السلام عليكم

ترددت وااااااايد قبل لا انزل الموضوع والسبب انه شوي حساس ومحرج

مشكلتي الصراحة واااايد معقدة ومحرجة
انا صارلي سنتين و4 اشهر متزوجة
كنت مأجلة موضوع الحمل بسبب الدراسة اللي ولله الحمد خلصتها من كم شهر

للحين وكل شي تمام
المشكلة :( والله اني منحرجة



المشكله ياخواتي اني من تزوجت وللحين ماصار جماع بالشكل المعروف بين الزوجين
في بداية الزواج كنت اعاني من الااااااام مو طبيعية وكنت اظن ان هالشي عادي يصير لكل بنت
وبعد كم شهر نزل مني دم وحسيت بالم مو طبيعي وقت الجماع لدرجة ان بيت الجيران سمعو صراخي وفرحت ان الشي الي المفروض يصير لكل بنت ليله زواجها اخيرا صارلي
وبعدين اهملت الموضوع بسبب الدراسة وكانت العلاقة بينا قلييييلة جدا

وبعد سنه و8 اشهر كنت احس بالم وقت البول فقلت اكيد التهاب ورحت لدكتوره نسائية على اساس هالشي
وسالتني عن الحمل وليش ماتعالجت للحين

الصراحه انا الدكتورة ارتحت لها وخبرتها بالموضوع وبمعاناتي وقت الجماع والالم والتشنج الي يصيدني
فقالت لازم افحصك من تحت وطبعا ماخليتها تفحص براحتها من كثر التشنج والالم و الاحراج
واهني كانت المفاجاة الكبرى

قالتلي انت للحين بنت وان الغشاء عندك من النوع القاسي جدا وانت شلون للحين مستحملة العلاقه ولازم نسويلك عمليه هالاسبوع والا ماراح تمارسين حياتك الزوجية بشكل عادي
نفسيتي تعبت كثير بسبب هالشي وحتى زوجي كان مضااااااايق ووووووواااااااااااااااايد
سوتلي العملية والي كانت عبارة عن فض وتوسيع وقالتلي انت الحين طبيعية ومافيج شي
ويوم راجعتها بعدين قلتلها اني للحين احس بالم فظييييع وقت الجماع قالت الالم الي عندك نفسي مو جسدي وانتي مافيج شي

هالكلام كان من 6 شهور وانا والله للحين اعاني من نفس المشكله
الالم والتشنج نفسه ويمكن اكثر
مرو سنتين و4 اشهر عالزواج والناس بدت تسال ليش ماحملتي وروحي فحصي

بس شلون اروح اجيك وانا جماع مثل العالم والناس مافي اصلا
خايفة اني اروح للدكتورة والدكتوره تقول لازم افحص من تحت ومايحتاي اخبركم عن الاحراج و التشنج والالم الي بصيدني
وخايفه اصبر وماروح وتطلع عندي مشكله ثانية للحمل يبيلها علاج طويييل

زوجي دايما يقولي لو كنتي تحبيني كان عطيتيني حقي في الممارسة والاطفال
بس والله الموضوع مو في يدي واحس بتانيب الضمير كثير لما اشوف الي عقبي تزوجو عندهم واحد واثنيين وزوجي يحب الاطفال كثييييير
نفسيتي تعبانه كثيييييييييييير والمشكله قاعده تكبر بمرور الوقت
عطوني حل
نصحوني
شورو علي الله يعطيكم الي في بالكم ياااااااااااااارب :(
شلون اعرف اذا كنت انا طبيعيه ولا عندي مشكله تاخر الحمل اكثر

الايام تمشي واحس ان المشكله مالها حل

ادعوووولي ان مايجي الشهر الياي الا والمشكلة محلولة واكون حامل وابشركم يااااااااااااااااااااااااااااااااارب