انا في وووورطة ساعدوني بنات الثانوي

السلام عليكم .. اولا انا بقلكم وضعي وبعتبركم اخواتي الكبار وياليت كمان تعتبروني اختكم الصغيرة << اول مشاركه لها
العام غيرت ودخلت منهج اجنبي<< منهج سوداني بس طبعا ماعندهم قدرات وتحصيلي او نظام ثاني ومت هالكلام الي عندنا بس الحين قررت ارجع منهج سعودي بس المشكلة مو عارفه اييي شي ومو عارفه ادخل مقررات او فصلي و مو عارفه شي عن القدرات والتحصيلي ابدد وماعندي صحبات ومحتاره اي مدرسه << انا من المدينه وماعندي احد ينصحني << انا اكبر اخواتي😣 وبشرحلكم وضعي بالتفصيل واي وحده عندها نصيحه تسدحها ... انا من النوع الي دايم اشارك بالفصل وكمان هادئة يعني بال*** انسى صاحباتي وكللل شي بس و اركز مع الابله واكتب الملاحظات المهمة << تقريبا كانوا اغلب الابلات يحبوني ماعمري اهمل بواجب ومو حقة مشاكل وازعاج .. لمن ارجع البيت ما انام الظهر اتروش و اتغدا واذاكر شوي انام و اصحى بعد العصر اصلي واحل كللل واجباتي واي شي علي اسويه اخلص الملفات والواجبات كلهاا واحضر للدرس الجديد قد ما اقدر كنت اخلص تقريبا على الساعه 8 <<تقريبا خمس ساعات اخصصها للمذاكره وابعد عني الجوال وكل شي يشوشني. حتى لو في ضيوف او اهلي بيخرجوا مايهمني اهم شي انو خمس ساعات كاامله بس اذاكر و ما افرط فيها وبعدها امسك الجوال ساعه او اقل و اتعشى وانام ع الساعه 9 اا 9 ونص .. اصحى بدري الساعه 4 قبل الفجر في الغالب اطلع عالسير<< دبه شوي .. اقرأ قران واراجع لو في شي علينا حفظ << مراجعه بس لاني اكون حفظته الظهر قبل لا انام .. و اتروش و افطر و اروح المدرسه << يعني ما اكسل واخلي واجباتي لليوم الي بعده لا كل شي بوقته واجب اليوم باليوم والمذاكره كمان ومجتهدة ما احب قبل الاختبار بيومين اتوهق و اساهر واجيب العيد ... طبعا هذا في ثالث متوسط ..فماا ادري ايش يناسب نظامي هذا فصلي او مقررات وكمان افكر من الحين قبل لا تفتح المدارس اشتري كتب تساعدني في القدرات والتحصيلي بس مو عارفه بالظبط ايش (انا علمي) قريت تجارب بنات يقولون اخذوا رام 1 وقبول 1 وعلى التجميعات بس(انا ابي نسبه ان شاء الله ويارب تكون فوق ال95% لانو عندي طموح ومستعده ابعد اي شي يشغلني من جوال تلفزيون طلعات خرجات سهرات نهاية الاسبوع كلل شي ممكن يشوشني ببعده عني واتمنى ماكون طولت عليكم<<ياشيخه😒
والله يوفق اي وحده تقرأ موضوعي ولا يحرمكم الاجر