انا قاعده اذبل يوم ورى يوم والسبب زوجي واهلي

اااخ يابنات مدري من وين ابدأ .. بعد الكتمان والكبت اليوم انفجرت بكاء
انا حامل ف شهوري الاخيره من بداية حملي الين الحين ماشفت حنيه من زوجي ابد
والله يعاملني معامله تدمي قلبي ..برمضان كنت اموت كرف وتعب ومع هذا ماكان يملى عينه
لو شي بسيط ماظبطته يجلس يهزأ فيني وينكد علي عيشتي ومع هذا صابره
يوم ورى يوم يكبر بطني واثقل اكثر وهو ومايحس ابد ..اهله ساكنين تحتي لما امه تمرض
يقول انزلي ساعديها تعبانه طيب والانسانه اللي قدامك لها شهور تعاني ماحسيت فيها ؟
اللي قاهرني امس امه متصله عليه تقول تعبانه وعندي ضيوف بغيت زوجتك تطبخ الغداء لو تقدر
قال هي نايمه بس ماعليك بصحيها ..يعني مو بس هو اللي مو حاس فيني حتى امه !
المهم انا تعبانه حيل من معاملته وتعبانه من امي اللي برضو مو حاسه بتعبي . جلست عندهم فتره
ابي ارتاح من تعب الوحم والبيت القاها تقومني وتكرفني انا والله على عيني وراسي هذي امي ولازم
اسادها بس ليش ماالقى كلمه حلوه ليش ماالقى مجامله ع الاقل انه انتي حامل وارتاحي والله ابي اهتمام
بس ..مضغوطه كثير وحاسه بمووووت بختنق ..والحين دوامات عيالي وكرف بيت ولا اقدر اجيب
شغاله ومع هذا نفس الاسطوانه من زوجي لو اهملت شي بسيط ذبحني نقد ومايقدر اني حامل
مره كنت منومه مع ولدي وجاء زياره يشوفنا ومع السوالف تخيلوا قال انا ماني مرتاح معاك !
انا هنا انصدمت وخنقتني العبره وقمت برا ابكي يعني بالله هذا وقته يقولي هالكلام وانا نفسيتي
تعبانه ولي ايام مع ولدي بالمستشفى ،! ااخ بس وش اقول ووش اخلي . بس ابي اعرف ليه مافي احد
يراعيني لا زوج لا ام حاسه بموت حاسه بالحرمان احس كل شي فيني منهار ابغى حضن مالقيته لا
هنا ولا هنا وطبعا في مواقف كثير ماذكرتها بس بالمختصر انا وحييددده لا زوج ولا اهل