انا قبل فتره اللي نزلت موضوع عن سحر امي وابوي

السلام عليكم اخواتي نبضات قلبي
انا قبل فتره اللي نزلت موضوع عن سحر امي وابوي
حسبي الله ونعم الوكيل على كل من سحر
انا بنت عمري 24 من يوم ماكان عمري 18 وانا انخطب واهي يرفضون يقولون تكمل الجامعه اول ومن هالكلام تقريبا من ثاني سنه لي بالجامعه انخطب ويااهلي يرفضون او الناس ماعاد يرجعون
نفسي يكون لي بيت وعيال ادري بتقولوا لاحقه على الشقى بس وش اسووي اعشق الاطفال والله ثم والله كم ليلة انام ودموعي على خدي ابي طفل ممكن اكون مبالغة بس وش اسووي هذه عاطفتي وحاولت اكون عقلانيه بس ورب الكعبه انا اتعذب محد حاس فيني في الاخير جيت بعالج اهلي من السحر طلعت انا كمان مسحوره وصار همي همين
فيني سحر تعطيل كنت احس احد معي على السرير بس اقول يمكن اني اوسوس اتعوذ من ابليس وانام والحمدلله اقرا معوذاتي واصلي وتري كل ليلة تقريبا
زاد همي يوم دريت ان فيني سحر تعطيل قريت عنه وطلع كل اللي كاتبينه عن هالنوع فيني والحمدلله على كل حال
اذا عرف السبب بطل العجب كنت حاسه ان فيني شي بس ماتوقت ابدددا انه سحر لان مالي اعداء
سنين وانا ابكي من غير سبب نفسيتي دمار وكنت اقوول ليش انا من بين بنات خالاتي وبنات خوالي وصديقاتي اللي نفسيتي كذا ليش ماني سعيده وانا مافي شي ماسويه اصلي واتصدق وابر بوالديني وووو...
بس عرفت ان الله اذا حب عبد ابتلاه وان المومن مبتلى هدت نفسي يكفي ان الله يحبني هذه عندي الدنيا ومافيها واللهم لاعتراض وان هذا كله مقدر ومكتوب
من ثالث سنه بالجامعه شلتنا بدت تودع العزوبية اتزوجت الاولى بعدين الثانيه وبعدين وحده وحده الين مابقى الا انا ووحده معي
الله يوفقهم يارررب مابي احسدهم اعزهم واحبهم واتمنى لهم الخير
بس فيني شي من جوا حزين فيني دموع مو راضيه توقف ياررررب ارحمني
امس سجلت بمنتدى عبدالله الخليفه علشان بتعالج
الله يسعدكم ادعولي لي ولوالديني ان الله يشفينا من السحر والله يرزقني الزوج الصالح والذرية الصالحه
كل اللي ابيه دعوة بظهر الغيب
والحمدلله على كل حال