السلام عليكم ورحمة الله
اخواتي انا في هم وضيق ما يعلم به إلا الله سبحانه
والسبب الأكبر عمتي ( ام زوجي )
ما تعودت اشكي لأحد .. لكن عمتي ما اقول إلا ( الله يهديها أو ياخذ روحها للفردوس الأعلى تريحنا وترتاح )
صرت ادور بين المنتديات زي المجنونة عشان اشوف اش يبغون العمات بالضبط ؟؟؟
ليش ما يتركون اولادهم وزوجاتهم في حالهم ويعيشوا زي ما يبغوا
وكتبت مشكلتي هنا وهناك لعلي اجد الحل المناسب
لكن والله العظيم تعبت تعبت وحالتي النفسية في حال يرثى لها
لها تفاصيل كثيييرة اتعب من كتابتها وانتو تتعبو من قرائتها
انا متزوجة تقريبا من 5 سنوات ... وإلى الآن وانا اتعامل مع زوجي زي اخوي ..
عشان ما تقولوا انتي كبرتي الموضوع راح احكي لكم بعض المواقف وانتو احكموا ويشهد الله ما راح اظلمها
اولاً تتعامل مع زوجي كأنها ضرتي ما ادري على بالها تنرفزني ولا ليش الحركات البايخه.. وقت الأكل تقعد تأكله بيدها وتقرب له الحاجات واذا جا من العمل ترحب فيه وتقول هاه حبيبي تحب اجيب لك عصير ولا شي بارد !! وقدامي يعني انا ما لي فايده
واذا جا نهاية الشهر وكان محتاج فلوس قالت ما عليك حبيبي وحياتي انت لا تشيل هم خذ بطاقتي واسحب اللي تبي .. انا لك وانت لي .............. !!!!!!!!!!!!!
ومره دخلت عليهم الصالة لقيتها نايمه على بطنها تسولف معاه وهو متمدد يتفرج عالتلفزيون ..!!
وتسوي نفسها قدامي اني احب ولدي واعرف اقول له كلام زي العسل وانتي ماعندك سالفة
زوجي كان مملك قبلي على وحده وطلقها قبل الزواج .. انا وياه نسينا السالفة خلاص لكن هي لا كل مرة تعيد وتزيد فيها .. ومش بس كلام عادي إلا تمدح فيها وفي اهلها مع انها هي السبب في طلاقها تقول يا انا يا هي في البيت
وحاطه عينها على غرفتي تشوف متى نظفتها ومتى غيرت اللحاف ومتى تروشت ومتى تبخرت وش حاطه في الادراج وش ذاك الكيس اللي تحت السرير وش فيه ؟ قلت لها فيه مليون ريال ما ني معطيتك ولا ريال وطنشتها ورحت
هذا غير الكذب اللي تكذبه علينا .. اذا قلنا بنطلع نتمشى قالت روحوا ماابغا اجي واذا خرجنا راحت دقت على بناتها تشتكي تقول طلعوا وخلوني لحالي في البيت
ونفس الشي المطعم نقول لها تعالي معانا ............. واصلا من يوم تزوجت وهي عندنا ما اذكر خرجت مع زوجي إلا مره وحده بسسسسسس وسوتها مشكله كبيره
ياناس تخيلوا عندها اولاد ثانيين في نفس المنطقة وتقول لا ما ابغا اروح عند الناس ..!!! ما ادري ليش معتبرتهم غريبين عنها وهم والله ينادوها كل واحد يقول تعالي عندي
بس تقول ما ارتاح إلا عند ولدي هذا لأن زوجته محترمه .. وفعلا والله اني محترمه معاها واعاملها زي امي .. وسلفاتي الباقيات دايماً يطولوا السنتهم عليها عشان كذا مرتاحه معاي
بس خلاص انا بعد زوجه ولي حقوق .. ما اقدر البس قدام زوجي اللي ابغا ولا نقدر ناكل اللي نبغا ولا نعرف نتكلم مع بعض واذا اشترينا من السوق تقعد تزن على روسنا ليش وليش واذا تكلمت مع زوجي لازم تدخل نفسها في السالفة .. اذا سمعتنا في الصالة جالسين مع بعض ماتفوت هذي اللحظة لازم تجي وترتز وتسولف واحنا مستمعين بس .. صار يطفش زوجي ويروح للقهوة كثير
احيانا احس انها كاميرا مراقبه في البيت تصور وتسجل وتروح تحكي بناتها اش سويت في البيت واش اشتريت ومتى نمت ومتى قمت واش اكلت واش لبست واش قلت لزوجي وكللللل شي والله العظيم كل شي
كنت في بداية زواجي احبها واحترمها بقوة وكنت اقول ما اصدق إلا هي بين الناس .. لكن الحين لما عرفتها لا والله .. نفسي اصدقها في يوم ما اقدر ... كل كلامها كذب واللعن والدعاء على الناس كثير على لسانها ... حتى زوجي شوهت صورته قدامي كل ما قعدت معاها قالت ترا ولدي حق بنات وقبل الزواج كان يقول ما نبغا نتزوج خلاص الشارع مليان بنات وكانوا يختارون اللي لسى بنات عشان الامراض .... قمة الوقاحه تقول عن ولدها هذا الكلام
انا مرضت نفسياً .. وجت الصاعقه لقيت زوجي عنده رسايل بنات في الجوال والايميل ..اكيد لأن مالقي من تسولف معاه وتلبس له وتدلعه وتسوي له ليالي رومانسيه 5 سنوات ولا عمري سويت له شي وهو دايم يقول احب الحركات واحب اشوف اللبس الخليع بس مررررره ما في وقت ولا في مكان اصلا .. حتى ملابسي اللي جهزتها يوم عرسي على بالي بروح ادلع فيها ما لبست ولا شي منها حملت وولدت ولا اشتريت غيرها
انا الحمد لله متعلمه وعلى قدر من الجمال وشكلي في البيت صراحه مقبول ومرتب واحط مكياج وعادي اروح مشاغل واغير من شكلي ومحافظه على ديني وصلاتي .. وطبخي الحمدلله يعجب زوجي وعمتي تسميه ( سم ) الله المستعان
حتى رمضان والعيد ما تهنيت اذا طلعنا نتمشى في الليل قالت ما يخرج الحين الا الجن واذا طلعنا في النهار قالت حسبي الله عليكم انا تعبانه ليه ما خليتونا بعد الفطور ... واذا قلنا طيب اقعدي في البيت واحنا نخرج قالت لا اخاف اقعد لحالي
احسد سلفاتي الثانيات على الراحه اللي هم فيها كل وحده تغير في بيتها زي ما تحب ويطلعوا ويسافروا ولا احد يقول لهم شي ولا احد يتدخل في حياتهم واحنا محكومين كل شي لازم يتم بموافقتها ..
والله ما ادري اش اقول وايش اخلي الكلام كثير معليش طولت عليكم .. للأسف كان الحل شقه ثانيه لكن للأسف مانقدر ننقل كان نفسي ننقل بيت ثاني على الأقل يكون لي جناح خاص ... وكمان زوجي تعب برضو معاي مره وحده بس لمح لها تلميح قال اش رايك تروحي عند اخوي تغيري جو تراه يبغاك ومدري ايش وسوتها مشكله كبيييييييييييره وللحين تتذكرها تقول ادري انكم تكرهوني وما تبغوني ومسويه زحمه عندكم
ولا هي موافقه تجيب شغالة وتقعد لحالها في شقه معنده ما تبغا إلا عندنا
والحين خلاص صار ما يتكلم يقول لي خليها تقعد في المكان اللي يريحها ....!!!! قلت في نفسي وانتي بالطقاق مرتاحه مو مرتاحه ما يهم
صرت اقول في نفسي ليش ما اصير شريرة وطويلة لسان لأن الطيب هذي الأيام ما يعيش .. ليش ساكته عن حقوقي ...؟؟
بس كل مره اتردد احزن عليها وفي نفس الوقت اكرهها من داخلي بسبب لسانها وبسبب تدخلها في كل صغيره وكبيره
وفي نفس الوقت اقول الله يهديها او ياخذ روحها للفردوس الاعلى تريحنا وترتاح
حسبي الله ونعم الوكيل لا إله إلا انت سبحانك إني كنت من الظالمين
بنت البلد2 @bnt_albld2
عضوة جديدة
يلزم عليك تسجيل الدخول أولًا لكتابة تعليق.
المشكلة عندي بنتين توأم اعمارهم الحين تقريبا 3 سنوات ومعاي في الغرفة 24 ساعه واذا راحوا عند جدتهم تقعد تدفهم وتقول روحي انتي واياها عند امك .. ونومهم الله يحفظهم مو مع بعض إلا ناااادراً
ومساحة غرفتي صغير جدا وهي رافضة نجيب لهم غرفة معاها على الاقل دولاب الملابس تقول لا ابغا ارتاح في غرفه لحالي
ومساحة غرفتي صغير جدا وهي رافضة نجيب لهم غرفة معاها على الاقل دولاب الملابس تقول لا ابغا ارتاح في غرفه لحالي
اذا هو ماديا مرتاح لايشار يشتر ي او يستاجر دورين لها قسم تحت وانتم لكم جناح فوق ويكون عندها شغاله ومهما كان تبقى امه اللي ولدته وتعبت عليه حاولي تتغاضين بس لاتضغطين على نقسك وهالشي يتحقق يوم تتذكرين ان الدنيا قصيره ومصير الناس متفرقين ..اطلعوا تمشووا لو رفضت انتم سويتوا اللي عليكم وهي رفضت خلاص عادي اللي يريحهاا
ربي يوفقك ويسخر لك زوجك
ربي يوفقك ويسخر لك زوجك
والله ضحكت من حركات ام زوجك ياكرهي في الحريم اللي زي كذا حاولي تتقربي من زوجك اكثر الله يسخره لك
الصفحة الأخيرة
لي بعض الملاحضات اختي
ايش اللي يمنعك تلبسين لزوجك دامه يحب اللبس ووقت النوم الغرفه مقفله ما اعتقد تكون موجوده بينكم وانتي عوضيه بوقت النوم دامها معكم دايما