انا لازم اربي نفسي واسنع نفسي واصير حرمه جيده شورو علي تكفون ..

السلام عليكم ورحمة الله وبركااته



هلا والله بناات

كيفكم عساكم مرتااحييين ؟؟

ادري ان مووضووعي موب وققته والناس مو فااضييين بس وش اسووي انا منقهره من روحي

ياابناات انا سبق وحطيت مشكلتي بيوزر عمتي وطلبوا مني الاداره التسجييل وسجلت

المووهوم انا ابووي وامي منفصلييين من يوم عمري 14 واللحين انا عمري دخلت 19وانا الثانيه مافوقي الا اخ واحدواكبر مني بس بسنه وتحتي اثنين ..
وعندي عمه ..


الله يجزاهاا خير عمتي والله والله انها ماقصرت الله يوفقهاادنياا واخرة وقفت معي بس انا مدري وش فيني وانا احس اني ضاايعه ومغير بمشااكل ومن مشكله الى مشكلله

مااسمع النصييحه ولا انتصح اذا شافت عمتي علي غلط ماتقصر تقوولي بس انا مااتوجهه ولا اسمع النصاايح وعااداذا رحت لبيتنا الشكووى لله ماتقدر ولا القى احد ومغير اطيح بالاغلاط ومن غلط الى اكبر منه واحس اني ام العريف وانا الفاهمه ومحد زيي واخر شي اطلع فشوش واخطا الدنيا كلها فيني

خربانه مع اهلي عماتي الباقيات وجدتي وابوي وصديقااتي اغلبهم مزاعلتهم ولا احاكيهم ومع كل العاالم مدري هو البلاا فيني ولا فيهم مااعرف اصادق ولا اتعامل مااعرف ولا شي ..

حتى يابناات عندي ملااحظه اني انا اللي صاايرة المضحااكه حقة شله الجامعه قبل ماازاعلهم طبعاا

انا الارقووز حقهم مدري وش السالفه

حتى النااس مايصلح الوااحد يضحك

مره يابناات تخيلواا تقوولي وحده من بنات الجامعه انتي مريضه وحده مااعرفهاا بس من صديقات بنت عمتي وهي معي بنفس الجامعه اخر شي صرت اهج عنهااولا اكلمهاا

ماادري وش اسووي ..

وشللللللللللللللتي كل ابوها القدييييييييمه رااعين تنحب ويتفطنوون داايم ونااوية اتركهم بس ودي اغير نفسي واصير رسميه ولا اخربط واجد ولا عاد اصير مضااحكه
انا ودي اسنع نفسي واسمع نصايح عمتي وا صير حرمه انا المفروض اسنع اخواني اللي اصغر مني انا الله يخلف علي ماسنعت نفسي اسنعهم
واللي بقولي ابووي وينه ابوي لاهي مع مرته وعياله والشكوى لله والله يسخره لناا

انا مادري وش مشكلتي هو اني مالقيت احد يحكمني؟؟ ويوقفني عند حدي ويقولي هذا صح وهذا غللط واتسنع ويغصبني على الصح
انا ابي من نفسي اسووي مصلحتي واعرف الصح من الغلط عمتي موب دايمتلي الله يوفقها اميين ويسعدها بحياتها والناس لازم تتفرق الله يفرقناا على خير امييين
لانه وضعي كذا يجبرك انك تسنع نفسك غصب عنك ولا مااحد مسنعك
ودي اربي نفسي واتعلم قبل ما ان الناس هم يربوني ويسنعوني
واستفيد من الناس ومن تجاربهم بدال مااني خببله ولا افهم مصلحتي


تكفووووووون يابنات شوروا علي وعلموني كيف انتم طريقتكم مع الناس وكيف اهلكم مسنعينكم الله يتمم عليكم نعمته امييييييييين ياارب ولكم اجر ان شااء الله
..والله يتقبل منا ومنكم صاالح الاعمال ويختم لنا الشهر برحمه والفرج والغفران ..