انا لا انام من الندم، ماذا افعل؟

السلام عليكم ورحمة الله وبركاته، لسه مشتركة حالا بالموقع و مش عارفة لو ده المنتدي الصحيح فا اعذروني.. انا بس حبيت افضفض عشان تعبت و عايزة حل.. من سنتين كنت بكلم واحد علي الفايسبوك عشان اصحابي كانوا بيعملوا كده و انا كنت بقلدهم مش اكتر.. ماكنش بحبه ولاكن كنت بتكلم معاه كل يوم و كانت المحادثة ممكن تقلب لكلام غير لائق لأنه ولد و طبعاً متوقع اني اتكلم معاه في حجات قليلة الادب عشان نفضل مع بعض، لحسن الحظ ان كان في شوية عقل في جمجمتي و ماكنتش ببعت صور مخلة للأدب، كلام بس
ماما عرفت و قرأت المحادثات و طبعا غيرت مدرستي و اصحابي و حياتي كلها و كانت ماما بتراقبني كل يوم و بتحاول علي قد ما تقدر تخليني انسي حياتي اللي فاتت.. ولاكن هي ماتعرفش ان انا اللي كنت عايزاها تشيلني من حياتي المقرفة دي عشان انا ماكنتش ولا بحب صحابي ولا بحب الولد اللي كنت بتكلم معاه و بحلفله اني بحبه..
من الاخر، انا كنت بتسلي لمجرد ان يبقي شكلي حلو قدام اصحابي عديمي التربية، ولاكن انا من ساعة الموضوع ده اللي هو من سنتين وانا مش بعرف انام و طول الوقت بفكر فيه و بندم كل يوم اكتر من التاني لدرجة ان نفسيتي اتكسرت و مابقتش احب الحياة.. انا تبت الحمدلله و احسن شيء فالتوبة الندم و الرجوع إلى الله سبحانه ولاكن انا تعبت كتير من احساس الندم اللي يلاحقني حيثما كنت.. اريد ان انسي و افقد هذا الاحساس و اعيش حياتي بدون هذا الاحراج و القلم.. فا ماذا افعل؟!