السلام عليكم ورحمة الله وبركاته
ماادري من وين ابدأ ولا حتى كيف ...بكتب بالعامي لاني مااعرف ارتب الكلام ..اول مرره اكتب عن همومي او افكر اشتكي لاحد من برى دايمن اكتم في نفسي او اشكي لخواتي
الي خلاني اتجرأ واطلب المساعده شي اكبر من الهم الي كنت متعوده عليه شي لو تحس فيه اي ام مثلي اكيد بتشوفه مصيبه كبيره وخيبة امل ...الله يجير كل الامهات يارب
ملخص القصه....اني تزوجت وانا صغيره وعلى طول حملت وجبت ولد
وبعد ثمان سنوات زواج انفصلت عن زوجي وولدي كان وقتها ثاني ابتدائي
وطبعا كانت حالتي النفسيه مررره دمااار وولدي خلوه معي يمكن سنه لين تزوج ابوه واخذوه مني
وزادت همومي ونفسيتي تعبت زياده... وكان ولدي يجيني في الاجازه بس
المشكله مو فيني انا ولله الحمد عشت حياتي بشكل طبيعي وقبل سنتين تزوجت ومبسوطه مع زوجي
لكن..........
ولدي حبيبي وحيدي تخيلي اشوفه قدامي ينتهي يتدمر ومااقدر اسوي له شيعمره الحين 18سنه له كم سنه وهو بمشاكل مع ابوه بسبب اهمال ابوه له وبعده عنه وانشغاله بزوجته واولاده...هاذا الشي سبب لولدي عقده نفسيه خلته يكره ابوه بشكل مو طبيعي لدرجت انه يتمنى له المووت ومستواه الدراسي في نزول وصار يدخن؟؟كنت طول السنين الي فاتت احاول اخذه معاي بمااني ماتزوجت بس العادات تقول عيب تربيه امه
وكمان انا يتيمة الاب وماكان عندي بيت مستقل كنت اتنقل بين بيوت اخواني المتزوجين
ولمن تزوجت كان دايمن يشتكي لي ويقول ابغى اجي اعيش معاكي بس كنت اصبره واقول خذ الثانويه وتعال ...(كان عندي احساس ان زوجي ماراح يتقبله )بس قلت في نفسي اذا خلص الثنوي بدور له وضيفه
وماراح يصير له شغل فيه
لكن للاسف ماقدر يصبر ولا يتحمل هرب من بيت ابوه لمكان ماحد كان يعرفه منا قعد اسبوع واحنا نحاول نعرف وينه بس للاسف مارضي كنت اكلمه ويرد علي في البدايه هددته اني ماراح استقبله في بيتي اذا صمم على انو مايرجع للمدرسه بس شفته ولاهمه وحسيت اني بخسره للابد لا سمح الله
اتصلت عليه وقلت تعال خلااص انسى كل شي وخلنا نبدأ من جديد
وفعلا جا ............وعدته اني اعوضه كل الي راح من عمره وننسى الماضي ونعيش يومنا
المشكله الحين اني اكتشفت انه كان ياخذ حبوب ويحشش :44:مع انه اول ماجاني وعدني انه يتغير ويكمل دراسته السنه الجايه ويفرحني بتفوقه
فتحت جواله بدون مايدري ولقيته مرسل رساله لواحد يطلبه حبه عشان ينام تنوم يعني
مدري وش قصده مافهمت شي بس الي فهمته انها من انواع المخدرات
اقسم بالله اني من وقت ماشفتها وانا في هم وحيره ماادري كيف اتعامل معاه اخاف اواجهه ويشرد من البيت واخاف اسكت ويتمادا واذا لاحظ زوجي عليه اكيد بيطرده ويمكن من بعده انا
طلبي ورجائي من الله ثم منكم تساعدوني وتشورون علي في حل أو طريقه الحق فيها على ولدي قبل لا يضيع مني
اعذروني على سووء التعبير ولخبطة الكلام