انا تطلقت قبل كم شهر ولله الحمد..وقصتي سبق اني كتبتها هنا باختصار سبب طلاقي ،،اني عشت مع طليقي بضع سنوات وكان يتخلل هذه السنوات مشاكل وهموم وماكان بينا اطفال الحمد لله ..ولا يوجد مانع يمنع الإنجاب مني ومنه.. بس سبحان الله رب ماكتبنا الحمل مع انا جربنا بعض الوسائل المتقدمه..واراد (اللي كان زوجي يتزوج)وهنا انا طلبت الطلاق ..لأن زواجه كان القشه التي قصمت ظهر البعير..
وافترقنا وبعد زواجه ب3شهور جاني خبر ان زوجته حامل ..تضايقت..
..بصراحه انا ماتضايقت علشانها حملت بقدر ما انا متضايقه ان الناس تظن ان العيب والمانع مني ..
مع ان الفحوصات اثبتت سلامتي وسلامته.
لأني والله يوم دريت ان زوجة طليقي حامل مدري وش صابني احس كأن احد صفقني على وجهي..
وتعرفون عاد الوساوس قعدت اوسوس يمكن ويمكن ومن هالتفكير..
مع اني يوم كنت زوجته فحصت على مدى السنوات اللي قضيتها معه وماخليت شي ماجربته بس سبحان الله ..كلهم كانوا يقولون انك سليمه بس يبيلك وقت ورحت لكذا مراخه قالت عندك ميلان في الرحم وبعضهم قالن ارتفاع في رحمي ومرخت عندهن كذا مره وسويت كاسات هواء وتحاميل ..وقالوا خلاص مافيك شي..لكن الله ماراد سبحانه.
وسويت تلقيح صناعي 3 مرات وفشلت.
وكان هو رافض الأنابيب رفضا قاطعا..يقول ماني مقتنع!!
يالله الحمد لله على كل حال .
عسى الله اللي رزقه الذريه يرزقني.
انا اقول يمكن علشاني ماكنت حاسه معاه بالأمان والإستقرار..
الله اعلم
بس اللي متأكده منه..انها خيره من الله ودفع بلا..وربي بيعوضني زوجا احسن لي منه..كما عوض ام سلمه رضي الله عنها.
بس ماقول الإ الحمد لله على كل حال ..واللهم ارزقني الزوج الصالح وارزق كل محرومه.
واهله ماقصروا فيني يقولون عني اني ماني سليمه .!!
..حسبي الله ونعم الوكيل.
الله كريم،،، الله يثبتلهم مع الأيام ان مافيني اي مانع يمنع الإنجاب.
يالله زهقانه وحبيت افضفض شوي.دعواتكم.
__________________
بقولك شيء هو صحيح موقف صعب ..
بس لـو كل احد يؤمن انه كل شيء مكتــــــوب
يعني كتــب لك وانتي في بطن امك انك ماراح تحملين منه ..
فليــش تتضايقين ياقلبي
اقولك والله أعرف نااااااااااس ماكنت اتوقع انها راح تنفصل عن زوجهاا
سبحان الله انفصلت عنه وخذت واحد ثاني وجااااااابت منه عيااااال .. يعني مكتوب لها تجيب من رجل آخر
والله انها تغير الحاااااااااال معااااها للأفضل ..
تعرفين شلون للأفضل ماتتوقعين
بيت لحاالهاااااا وماشفت احسن منه
وأطفاال أذكيــاء ماشاء الله
وزوج يداريهااااااا . .
لاتزعليـــــن حيااااااتي ولاتكدرين
يمكن حظــك يكون عاااااالي ان شاء الله ..
وان شاء الله قريب تبشريناااااااااا بزوااااااجك يرجــل أحسن وأحسن من زوجك السااااابق ويغير عليك حياتك يااااااااارب
الله يوفقك قلبي ..