انا لله وانا اليه راجعون..... امي دعت علي

الله لا يعيد ذاك اليوم
بكيت وتقطع قلبي و دموعي بغت تصير من كثر البكا دممممم
نفسيتي زفت عالاخر
نسيت شي اسمه لذة في الحياة توني احس بنعمة زوجي حبيبي الله لايحرمني منه يارب
مع اني كنت اتشكا منه ليل نهار لكن الحين لااااا
مشكلتي اني توني والده بحمل مايعلم فيه الا رب العالمين
حملت بالغلط لاني حبوبي مناعتها يوم بس ونسيت اكلها
فكتب الله اني اجيب ولد بسم الله عليه ماشاء الله
وانا عندي بنت وولد وكلهم مابعد دخلوا المدرسة
فحملي كان متعب مرة وساكنة مع اهل زوجي وطبخ وحالة
ودراسة بالجامعة واختبارات
المهم ولدت وفرحت اني بروح عند امي
بس صارت الخياطة فيها مشاكل وصار المفروض اقعد عند امي شهرين بدال الاربعين
في هالشهرين كرهت الدنيا تمنيت الموت وربي لو الانتحار حلال كان انتحرت وارتحت
لاتقولون ضيوف في نفاسي ماجاني احد الا اربع مرات وكلهم حدهم ساعة بس
لكنها الله يخليها لاتطاااااق
كله عصبية وتهاوش انتي جننتيني ويا عيالك
انتي عيالك ازعجوا اللي تحتنا وانا مادفعت الايجار
وماادري ايش
المهم زوجي خذا قرض عشان يسدد ديونه ويشتري سيارة
قلت لها وياليتني ما قلت
الا تخيلينه يسلفني
المشكلة امي صح مدرسة بس الله يهديها ديونها كثيييير
وقد سجنت عشان دين مية الف ولا طلعها الا زوجي وتفشل ذاك اليوم فشيله و راح يتسلف من فلان وعلان عشانها
و حق الاجار دايم يتصل عليه ترا خالتك ماسددت ويقعد يسب في زوجي
ومرة ارسلوا له في الدوام طلب سداد لانه كافلها في موضوع ولا سددت وانجرج عند المدير مررررة
ويوم جا ياخد قرض رفضوا لانه كفيلها وهو لها قصة مع سما فلازم تسدد امي عشان يعطونه قرض
كل الامور خلت زوجي ياخذ موقف كبيييرمنها
وقالي شوفي امك على عيني وراسي بس مالي دخل فيها ابد
المصيبة امي يوم درت انه رافض انهبلت
و كرهته كره العما
بعد شهر من نفاسي قلت خليني اروح لغرفتي اغير جو شوي
نومت عيالي وطلعت في رمضان الساعة سبعة الصبح وعلى اساس بيجوني شغالات بالساعة
المهم صارت سالفة تافهة وتاجلت جيبتهم
انا نمت ورجعت العصر و عيالي توهم قايمين
سمعتني يابنات كلام يسم البدن
حسبي الله عليك الله ياخذك الله يحر قلبك يالحيوانة زي ماحريتي قلبي تاركتني مانمت مع هالمبزرة الله ياخذك ياربي بحق السميع العليم شعلني اسمع خبر موتك انتي واخوانك
رايحة له رايحة تنومين عنده وتاركتني شفتيه خلاص نسيتينا انتي مثل ابوك قلبك اسود
و ما سكتت يابنات وانا ابكي زي المجنونة انا اشذنبي وانا وش سويت
يابنات كانت تدعي علي من قلبها وهي صايمة
قولوا لي شالحل
المشكلة الحين خلاص رجعت لزوجي بس دعاها انحفر في قلبي حفر
حاسة بيجي يوم يصيرلي شي واو لعيالي
لانها دعت ان الله يحرق قلبي حرق
اهي تكلمني عاااادي بس انا مقهووووورة مرة
كل يوم مشاكل وانا نفاس اعوذ بالله حتى ولدة ماشافه اللا كم مرة اصرفه هي ماتبيه