انا ليش ماصير نجسه مثلهم ليه هالحماس الزايد ؟! انا وش دخلني بحياتهم !!

السلام عليكم اخواتي ، الله يبلغني واياكم شهره الكريم وحنا ومن نحب بصحه وعافيه
ماعندي اي لف ودوران بالموضوع هن مشكلتين وباقولها بشكل واضح عسى رد من ردود اخواتي الفاضلات يلامس احساسي المتمزق من سنوات ويجبر جرحي اللي ماحدن درى فيه لاني فيني كسر ماهو طبيعي
مابي اقولكم ان الطلاق ماثر فيني الا اثر فيني كبير وكسر شي بداخلي كبير
يوم عن يوم افتخر بقراري بالانفصال لانه طليقي لايستحق كلمه رجل ( مدمن ، يستهزي بالدين ، لسانه قذر واشياء اترقع اقولها احتراماً للمنتدى ) وكل هذي الاشياء كشفتها بعذ الزواج والحمدلله ماحملت منه
كل اللي حولي بعد طلاقي انصدموا بشخصيتي بعد الطلاق وانا لاحظت تغير فيني شخصيتي صارت احسن ياخذون رايي بكل امورهم شافوا اني انسانه تغيرت كثير بعذ الطلاق ماثر فيني صرت متحدثه جيده اعرف اتعامل مع المواقف الصعبه اذ جيت اتكلم اقسم بالله ينبهرون بكلامي استرسال بالكلام كلامي مدعوم بحجج انا ماكنت كذا ابدا
من قرايبنا فرحوا بـ طلاقي بشكل غير مباشر واشوف بعيونهم
الشماته لاني استعجلت شوي بالزواج وتزوجت قبلهم
مرت سنوات ع طلاقي ودارت الدنيا وتجيني وحده منهم اللي تشمتوا فيني تقول انا متهاوشه مع زوجي وصار كذا وكذا وابي اتطلق خلاص والله يابنات اللي خلقني وخلقكم اذ جت تشكي انصحها بعدم الطلاق كان الموضوع شخصي اكلمها بحرقه عن تبعيات بعد الطلاق لدرجه تتاثر بكلامي
( هنا انا اقول دامي لدرجه ذي تتاثر بكلامي ليه استنزف جهدي وانصح وهي وقت طلاقي كانت فرحانه ليه ماصير شريره ونجسه مثلها ولااعطيها رايي بشي اقول بكيفك انتي وزوجك حلي مشاكلك بنفسك ليه هالحماس الزايد )
المشكله الثانيه والاهم بالنسبه لي


انتي ياللي تقرين رسالتي اذ كنتي مطلقه او تعرفين وحده مطلقه كم الفتره اللي اخذتيها بعد طلاقك وتزوجتي مره ثانيه كم سنه ؟!!!!! لي ٦ سنوات مطلقه والان انا ع مشارف الثلاثين عاما وكل سنه اقول باصوم بيت زوجي واكون لي اسره واشم ريحه طفل والسنوات تمر والعمر يمضي 💔
والله يجبر بخاطري وخاطر كل وحده مكسوره وكل من مرت على موضوعي واعطتني حل


والله يسعدكم جميعا 🌷🌷🌷