انا لي زوجي خطب لي خاني معها ...واليوم كتب كتابه .>>استوفي الردود

السلام عليكم جميعا اخواتي والله لا يحرمني منكم
انا اكتب هلا وطامعه في دعواتكم ..حاسه الدنيا
ضايقه في عم ادعي واستغفر واقرا القران
لانه ما عندي غير الله الجا اليه في غربتي .
انا كتبت قصتي من قبل وانتو ما قصرتو بالنصيحه
والدعاء جزاكم الله كل خير
زوجي متل ماحكيت خطب الي خاني معها في الفايس
ومن اسبوع سافر لبلدنا الاصلي مشان يكتب الكتاب
تمنيت ما يجي هداك اليوم او اكون مت
بس اجا بسرعه واليوم وبهاد الوقت هنيك
يلبسلها الخاتم وفرحانين وانا وحدي اتالم
ودموعي ما نشفو من مبارح
هو حكاني مبارح مفكر مو عارفه انو اليوم خطبته
قالي بكرا اروح ...سكت وقلت الله يسهل
قلي ماتخافي ما في شي راح يتغير
قلتله بعدين اشوف الحكي ما يهمني
قلي ما تصدقيني انت تعرفيني
اعرفك ابدا ما اعرفك مو انت لي حبيته وعايشه
معه وكلي تقه فيه وين راح حكيه لي كان يحكيع
انو مرتاح معي ومو مجنون ليتزوج تاني
وحكي كتير خلاني امشي ومغمضه عيني لانه جنبي
ومستحيل يخوني
بعد خياته بده اصدقه تاني ...هديك الهبله ماتت
خلص ماعادت موجوده ...قتلني والله قتلني
استغفر الله .بعرف انه الله كاتب هيك
حبيت احكي يمكن ارتاح
حضرتله شنطته بايدي وكويتله بدلته بدموعي
وودعته كانه ماراح يرجع
بكيت وبكيت وبكيت مشان يخلصو دموعي
وما يشوفهم تاني
الحمد للهعلى كل شي الله يخليلي اولادي
وصحتي لعيش شو بقى من حياتي لارضاء خالقي
ما بدي شي من الدنيا غير اكون مراه صالحه
ادعولي بلهدايه ما في راحه الا مع الله
كل وحده تقرا حكي تدعيلي من قلبها
انه يجعل زواجه بردا وسلاما على قلبي
اه يربي قلبي راح يوقف من البكاء والحزن
لا اهل هون ولا امي ارتمي في حضنها وابكي
حتا مو عارفه بالموضوع
يارب اني اشكو لك ضعفي وقله حيتلتي
انت القادر على كل شي
يارب ما تمرو بهاد الالم لي حاستو هلا
اسمحولي على حكيي فكري مشتت ونفسيتي
محطمه
ادعولي هاد لي احتاجه هلا وجزاكم الله خيرا