والله يختي ابوك معاه حق .. ماينام ولا يرتاح في بيته ..وكل الاباء زي كذا.
..المفروض تجتمعون بعد الظهر عند اهلكم وتتغدون و تقعدون الى 11 في الليل مثلا وبعدين كل وحده تنام في بيتها..
وبالنسبه للمصروف هو يتكلم عنكم كلكم انتي واخواتك .. مو قصده انتي..يمكن اخواتك يجون بعيالهم ولا يجيبون شي .
وما يمشون الا البيت فاضي..الرجال ما يشكي الا متضايق ولا هو قادر يتحمل.
وانا اشوف الافضل ماتعطينه فلوس ..يمكن يعتبرها اهانه..
لكن زي ما قالت الاخت اللي قبلي جيبو بن و هيل او سكر وشاهي او مناديل او خضار .
وفهمي اخواتك انه المفروض محد يجي ويده فاضيه خاصه اللي بتبات.. بس لاتجيبين سيره ان ابوك قال.
وعيالك وديهم لاهلك بس لاتباتين لين يكبرون عيالك او ينتظم نومهم.

ياحبيتي عادي كل ريجيل كبار يتضقون من البرزان. وابوي احيانا يصرخ علي بناتي عند عادي. ..ماهم يضل هو ابوي. ..وتاج راسي. ...

ياعسسل ابوك كبير بالسن وصياح العيال مايتحملونه يكفي تحملوكم وانتو صغار ...فاانتي عيالك حاولو تقولون لهم قصرو صوتكم جدكم نايم ولا تزعجونه حسسوهم بقدر الكبير ..هذا اذا الاطفال كبار لكن لو صغار ابعدي عن مكان اللي هو فيه وترى البيوت كذا اذا تزوجت الوحده مو مثل الوحده قبل ماتتزوج ...وفيه شي بغيت اقولك مو اذا زعلتي من ابوك رحتى تبكبكي عند زوجك وتشكي مايصير لو ابوك يسقيك السم لاتخبرينه انتبهي اليوم بيوقف معاك بس بينه وبين نفسها بيقل قدرك وقدر اهلك ....

ياحبيبتي هذا من التعب والارهاق وقلة النوم الحين يكبرون العيال وترتحاين ان شاء الله واهلك زوريهم لاتقطعينهم وابوك اعذريه اكيد زعل واخذ موقف لمن رديتيه يوم جا يسلم عليك

الله يكون في عونك ويجعل عيالك هادين صالحين

ليش تقولين الزوجك وش سوى أبوك

مهما كان زوجك لاتطلعينه على خلافاتك معك أهلك

الله يهديك بس

وبالنسبه لابوك يبقى أبوك مهما سوى

أنسي وتناسي غصب عشان تبرينه الشكوى الله