انا ماعندي الجرأه اقول لا واقلد فلانه وعلانه عطوني حل الله يوفقكم

مساء الخير حبايبي .. معليش كررت موضوعي عشان رفض يتعدل العنوان من السرعه كتبته غلط
خواتي والله اني اعدكم اكثر من خوات اقولكم الشي اللي بداخلي واللي ماقد قلت لاحد عنه واحب اكتبها هنا لاني اكون في منتهى الصراحه واخذ راحتي واقول اللي بقلبي بدون حواجز واتمنى تساعدوني
انا عندي مشكله داخله بمشكله ثانيه وصراحه متعبتني بتعاملي مع المجتمع اللي حولي
انا مره طيبه بمعنى كلمه طيبه واشوف الثناء علي بكل مكان ولا احد يقدر يتجرا علي يعني اي وحده تتجاوز حدودها معي تدري انها راح تلاقي الشي اللي مايرضيها وكثير اتجاوز عن بعض الاخطاء
بس انا مشكلتي ماعرف اقول ( لا )
يعني وحده طلبتني شي وانا قادره علي ماقول لا اقول سمي وابشري بعدين اتحسف اني قلت ايه اقول يمكن تلعب علي مره ثانيه مع ان الطلب اللي طلبته مايقلل من قيميتي وطلبته بكل ادب ماجتني وقلت غصب سويه
والشي الثاني اني دايماً اتاثر باللي حولي ودايما احس ماني راضيه عن نفسي ودي اقلد اسلوب فلانه وعلانه يعني احس مالي شخصيه مستقله شفت فلانه ماتحط سنابات عامه انا ماحط شفت وحده مصوره مول اوقهوه اقول انا ليه ماصور مثلها كثييير اترك اشياء انا مقتنعه فيها عشان اقلد فلانه وعلانه تعبت تعبت وشلون اتجاوز هالمشكلتين اللي هي ماقدر اقول لا واني اقلد اللي حولي
لاحد يقول ماعندك ثقه بنفسك بالعكس مره ثقه واجتماعيه بشكل كبير وحتى واسولف قدام ناس كثيره واقدر افتح سوالف ومواضيع مع اللي حولي
الله يجعل من تحل مشكلتي ربي مايرد لها دعوه هذا عندنا مطر وبادعي لكل من تعطيني حل